ကမ္ဘာ့သတင်းများ

 

 

ကမ္ဘာ့သတင်းများ 16/04/2012

နိုင်ငံတကာသတင်း

... ဆီးရီးယား တိုက်ခိုက်မှုသစ် ကုလသတိပေး

ဆီးရီးယားနိုင်ငံမှာ ဆက်လက်ဖြစ်ပွားနေတဲ့ သွေးထွက်သံယို အကြမ်းဖက်မှုတွေအပေါ် စိုးရိမ်မှုဖြစ်ရတဲ့ အကြောင်း ရရှိထားပြီး အပစ်ရပ်သဘောတူညီမှုကို စောင့်ထိန်းဖို့ ကုလသမဂ္ဂ အထွေထွေ အတွင်းရေးမှူးချုပ် မစ္စတာဘန်ကီမွန်းက ပြောပါတယ်။ ဆီးရီးယား အစိုးရကိုလည်း ရရှိထားတဲ့ အပစ်ခတ်ရပ်စဲမှုကို ဘယ်လိုနည်းလမ်းနဲ့မဆို ဆက်လက် ထိန်းသိမ်းထားဖို့ တိုက်တွန်းလိုက်ပါတယ်။
 

ဘရပ်ဆဲလ်မြို့မှာ ဘယ်လ်ဂျီယံ ၀န်ကြီးချုပ် အီလီယို ဒီ ရူပိုနဲ့ တွေ့ဆုံဆွေးနွေးအပြီးမှာ မစ္စတာဘန်ကီမွန်းက ဆီးရီးယားနိုင်ငံ အလယ်ပိုင်း သူပုန်တွေ ရှိနေတဲ့ ဟုမ်းစ် မြို့ကို အစိုးရတပ်တွေက လက်နက်ကြီးတွေနဲ့ ပစ်ခတ် တိုက်ခိုက်နေမှုအပေါ် သူ့အနေနဲ့ အလွန်စိုးရိမ်တဲ့အကြောင်း ပြောပါတယ်။ သွေးထွက်သံယို ဖြစ်ပွားမှုတွေကို ရပ်စဲဖို့ သူ့အနေနဲ့ အတတ်နိုင်ဆုံး တောင်းဆိုပါတယ်လို့ ပြောပါတယ်။
မစ္စတာ ဘန်ကီမွန်းဟာ ဒီကနေ့ တနင်္လာနေ့မှာ ဥရောပ သမဂ္ဂ အီးယူ အဖွဲ့ရဲ့ ထိပ်တန်း တာဝန်ရှိသူတွေနဲ့ တွေ့ဆုံဖို့ ရှိနေပါတယ်။

ဆီးရီးယား အစိုးရတပ်ဖွဲ့တွေက လက်နက်ကြီးတွေနဲ့ သုံးမိနစ်တကြိမ်နှုန်းလောက် ပစ်ခတ် တိုက်ခိုက်နေပြီး လူ ၅ ဦး ထက်မနည်း သေဆုံးခဲ့ရပြီးပြီလို့ ဗြိတိန်နိုင်ငံမှာ အခြေစိုက်တဲ့ ဆီးရီးယား လူ့အခွင့်အရေး စောင့်ကြည့်လေ့လာနေတဲ့ အဖွဲ့ရဲ့ ခေါင်းဆောင် ရာမီ အဗ္ဘဒယ်လ် ရာမန်က ပြောပါတယ်။
သမ္မတ ဘက်ရှာအယ်လ်အာဆဒ်ကို ဆန့်ကျင်တိုက်ခိုက်နေတဲ့ သူပုန်တွေကလည်း နိုင်ငံမြောက်ပိုင်း အလက်ပို ခရိုင်က ရဲစခန်းကို ၀င်ပြီး တိုက်ခိုက်ခဲ့ကြပါတယ်။
လက်နက်ကိုင် အကြမ်းဖက် အုပ်စုတွေက နိုင်ငံတကာကနေ ညှိနှိုင်းပေးထားတဲ့ အပစ်ရပ်ရေး ဆိုတာကို အခွင့်ကောင်း ယူပြီး တိုက်ခိုက်မှုတွေ ပြုလုပ်နေတယ်လို့ ဆီးရီးယားအစိုးရက ပြောဆိုပါတယ်။ အကြမ်းဖက်အုပ်စုတွေရဲ့ ရာဇ၀တ်မှု မြောက်တဲ့ တိုက်ခိုက်မှုတွေကို လုံခြုံရေးတပ်ဖွဲ့ဝင်တွေ အနေနဲ့ ခုခံကာကွယ်မှုတွေ ပြုလုပ်ရမှာဖြစ်တယ် ဆိုပြီး နိုင်ငံပိုင် ရုပ်သံဌာနကနေ ပြောဆိုသွားပါတယ်။



Titanic နှစ် (၁၀၀) ပြည့် အခမ်းအနားများ ကျင်းပ

လွန်ခဲ့တဲ့ ၂၀ ရာစုက ဗြိတိန်နိုင်ငံ ဆောက်သယ်မ်တန် (Southampton) ဆိပ်ကမ်းမြို့ကနေ အမေရိကန် ပြည်ထောင်စု နယူးယောက်မြို့ကို ခုတ်မောင်းလာတဲ့ အဲဒီအချိန်က ကမ္ဘာ့အကြီးဆုံး ဇိမ်ခံ ပင်လယ်ကူး သင်္ဘောကြီး တိုင်တဲနစ် (TITANIC)၊ အတ္တလန္တိတ် သမုဒ္ဒရာထဲ ရေခဲတောင်နဲ့တိုက်မိပြီး နစ်မြှုပ်ခဲ့တာ ဒီနေ့ ၁၉၁၂ ခုနှစ် ဧပြီ ၁၅ ရက်နေ့မှာ နှစ်ပေါင်း (၁၀၀) ပြည့်သွားခဲ့ပါပြီ။ ခရီးသည် ၁,၅၀၀ ကျော် သေဆုံး သွားခဲ့ရတဲ့ အတ္တလန္တိတ် သမုဒ္ဒရာထဲ က နယူးဖောင်လန်ကျွန်း (New Fouland Island) ကနေ မိုင် ၄၀၀ အကွာ တိုင်တဲနစ် သင်္ဘောကြီး နစ်မြှုပ်ခဲ့ရာနေရာကို ဒီကနေ့ ဧပြီ ၁၅ ရက်နေ့မှာ ကျန်ရစ်သူမိသားစုတွေရဲ့ လက်ရှိမျိုးဆက်တွေက ဘားလ်မော်ရယ်လ် (Balmoral) သင်္ဘောကြီးနဲ့ သွားရောက်ပြီး ရေထဲကို လွမ်းသူ့ပန်းခွေတွေ ပန်းစည်း တွေကြဲချတာနဲ့ ကွယ်လွန်ခဲ့သူတွေရဲ့ နံမည်တွေကို တစ်ဦးချင်းအလိုက် ရွတ်ဆိုပေးပြီး တစ်မိနစ် ငြိမ်သက်စွာ အာရုံပြုကြတာတွေ အပါအ၀င် အောက်မေ့ သတိရခြင်း အခမ်းအနားကို ဒီသင်္ဘောကြီးပေါ်မှာ ကျင်းပခဲ့ကြပါတယ်။

ဒီကနေ့မှာပဲ နယူးယောက်မြို့ကနေ ဥရောပကို ခုတ်မောင်းလာတဲ့ ဂျာနီ (Journay) အမည်ရှိတဲ့ ပင်လယ်ကူး သင်္ဘောကြီးဟာလည်း တိုင်တဲနစ်သင်္ဘောကြီး နစ်မြှုပ်ခဲ့ရာနေရာကို လာရောက်ပြီး ကွယ်လွန်ခဲ့သူတွေ အတွက် အောက်မေ့သတိရခြင်း အခမ်းအနားကို ပြုလုပ်ခဲ့ပါတယ်။ တိုင်တဲနစ် သင်္ဘောကြီးကို စတင် တည်ဆောက်ခဲ့ရာ အိုင်ယာလန် ဘဲလ်ဖတ်စ် (Belfast) မြို့က ဟာလဲန်အင်ဝုလ်ဖ် (Harland and Wolf) သင်္ဘောကျင်းကြီးမှာ ပြတိုက်အဖြစ် ဒီသင်္ဘာကြီး တည်ဆောက်ခဲ့ပုံကို ပြသခဲ့တာမှာ လူပေါင်း ၄၅,၀၀၀ လာရောက် ကြည့်ရှုခဲ့ကြပါတယ်။ ဘဲလ်ဖတ်စ်မြို့လယ်ခေါင်မှာ ဒီနေ့ နှစ် ၁၀၀ ပြည့်အမှီ တည်ဆောက်ခဲ့တဲ့ တိုင်တဲနစ် သင်္ဘောကြီး အမှတ်တရဥယျာဉ်ကြီးကို စပြီး ဖွင့်လှစ်ခဲ့ပါတယ်။ တိုင်တဲနစ်သင်္ဘောကြီး နစ်မြှုပ်ခဲ့စဉ်က ကွယ်လွန်ခဲ့သူ ၁,၅၀၀ ကျော်ရဲ့ နံမည်တွေနဲ့ ကမ္ဗည်းရေးထိုးထားတဲ့ ကြေးရုပ်တစ်ရုပ် ကိုလည်း ဘဲလ်ဖတ်စ်မြို့ လယ်မှာ ဖွင့်လှစ်ခဲ့ပါတယ်။
ကမ္ဘာ့မြို့ကြီးတွေ ဖြစ်ကြတဲ့ အမေရိကန်ပြည်ထောင်စုက ဟူစတန် (Houston)၊ ဆန်ဒီယေးဂိုး (Sandeigo)နဲ့ စင်္ကာပူ တို့မှာလည်း တိုင်တဲနစ်သင်္ဘောကြီး နစ်မြှုပ်ခဲ့တဲ့ နှစ် (၁၀၀) ပြည့် အောက်မေ့သတိရခြင်း အထိမ်းအမှတ်တွေ ကျင်းပခဲ့ကြပါတယ်။ အော်စကာရုပ်ရှင်အကယ်ဒမီ် ဆုတွေများစွာရရှိခဲ့ပြီး မင်းသား လီယိုနာဒို ဒီကာပရီယို (Leonardo di Caprio) နဲ့ မင်းသမီး ကိတ်ဝင်းဆလက် (Kate Winslet) ပါဝင်ကြတဲ့ ဒါရိုက်တာ ဂျိမ်းစ် ကယ်မ်ရွန် (James Cameron) TITANIC ရုပ်ရှင်ရဲ့ သုံးဘက်မြင် 3-D ရုပ်ရှင်ကိုလည်း ကမ္ဘာတ၀န်းမှာ ပြသနေပါတယ်။



ပါကစ္စတန် ထောင်ဖောက် လူ ၃၀၀ ကျော် ထွက်ပြေး

ပါကစ္စတန်နိုင်ငံ အနောက်မြောက်ပိုင်း ဒေသမှာရှိတဲ့ အကျဉ်းထောင်တခုကို သောင်းကျန်းသူ ၁၅၀ လောက်က သေနတ်တွေ၊ အာပီဂျီတွေနဲ့ ၀င်ရောက် တိုက်ခိုက်ခဲ့တဲ့အတွက် အကျဉ်းသား ၃၈၀ လောက် လွတ်မြောက်သွားပါတယ်။
ဒီကနေ့ ပြုလုပ်ခဲ့တဲ့ အဲဒီ တိုက်ခိုက်မှုက လွတ်မြောက်သွားကြတဲ့ အကျဉ်းသား အတော်များများဟာ စစ်သွေးကြွတွေ ဖြစ်တယ်လို့ အာဏာပိုင်တွေက ပြောပါတယ်။ လွတ်မြောက်သွားသူတွေထဲက အကျဉ်းသား ၂၀ လောက်ဟာ အန္တရာယ်ရှိတဲ့သူတွေ ဖြစ်တယ်လို့ အကျဉ်းထောင် အရာရှိတွေက ပြောပါတယ်။
လွှတ်သွားတဲ့ အကျဉ်းသားတယောက်ဟာ ပါကစ္စတန်သမ္မတဟောင်း Pervez Musharraf ကို လုပ်ကြံသတ်ဖြတ်ဖို့ ကြံစည်မှုနဲ့ သေဒဏ် အပြစ်ပေးခံထားရသူ ဖြစ်တယ်လို့ ဆိုပါတယ်။
အဲဒီ အကျဉ်းထောင် တိုက်ခိုက်မှုကို သူတို့ပြုလုပ်ခဲ့တာလို့ တာလီဘန်အဖွဲ့က ပြောပါတယ်။ ပါကစ္စတန်နိုင်ငံ အနောက်မြောက်ပိုင်း တာလီဘန်နဲ့ al-Qaida အဖွဲ့တွေ ခြေကုပ်ယူထားတဲ့ မြောက် Waziristan ဒေသမှာရှိတဲ့ Bannu မြို့က အဲဒီ အကျဉ်းထောင်မှာ အကျဉ်းသား တစ်ထောင်လောက်ရှိတယ်လို့ ဆိုပါတယ်။



အောင်မြင်တဲ့ တိုင်းပြည်ဖြစ်ဖို့ မြောက်ကိုရီးယားခေါင်းဆောင် ကတိပြု

မြောက်ကိုရီးယား ခေါင်းဆောင် ကင်မ်ဂျုံအွန်းဟာ နိုင်ငံအာဏာ ရရှိခဲ့ပြီးတဲ့နောက် ပြည်သူလူထုကို ပထမဦးဆုံးအကြိမ် မိန့်ခွန်းပြောဆိုခဲ့ပါတယ်။


NLABR
Web-site: www.nlabr.com
Blog: http://wanna23-23.blogspot.com/