ကမ္ဘောဒီးယားသူ Ms. Hok Pov ၏ မလေးရှားအိမ်ဖော်ဘ၀ အတွေ့အကြုံ (၂၀၁၁)

ကမ္ဘောဒီးယားသူ Ms. Hok Pov ၏ မလေးရှားအိမ်ဖော်ဘ၀ အတွေ့အကြုံ (၂၀၁၁)

သူမသည် ဘ၀ တစ်လျှောက်တွင် တစ်ခါမှ အရိုက်မခံခဲ့ရဖူးပါ။ ဆာလောင်မွတ်သိပ်မှု ဆင်းရဲကိုလည်း မခံခဲ့ရဖူးပါ။ သို့သော် မလေးရှားနိုင်ငံတွင် အိမ်ဖော်အဖြစ် လုပ်ကိုင်သည့်ဧပြီလမှ စ၍ ဤနှစ်ခုအပြင် ဆဲဆိုခံရခြင်း နှင့် အခြားရက်စက်မှု ပေါင်းစုံကိုပါ ခံခဲ့ရသည်။


အလုပ်စလုပ်သည့်အချိန်မှ ရက်သတ္တပတ် ၆-ပတ်အတွင်း သူမကိုယ်အလေးချိန် ၁၀- ကီလိုကျသွားခဲ့သည်။ သူမသည် သူမအိမ်ရှင်အိမ်တွင် တစ်နေ့ နာရီ - ၂၀ - နီးပါး အလုပ်လုပ်ရသည်။ အစားအစာ အနည်းငယ်သာရသည်။ အိမ်ရှင်က ပါးရိုက်သည်။ လက်သီးနှင့်ထိုးသည်။ (သွားကျွတ် ခဲ့ရ)

“တစ်ခါ တစ်ခါ ကျမအရမ်းဆာလွန်းလို့ သူတို့စားပြီးသား၊ ကြက်ရိုးတွေ၊ အကျန်တွေကို စားမိပါတယ်” ဟု အသက် -၃၁- နှစ်အရွယ်ရှိ Hok Pok ကမျက်ရည်ကြားမှ ပြောရှာသည်။

သူမကို လူ့အခွင့်အရေးအဖွဲ့ Tenaganita ကရဲများ၏ အကူညီဖြင့် ဇွန်လတွင် ကယ်ထုတ်နိုင်ခဲ့သည်။

အိမ်အလုပ်သမများကို ကာကွယ်ပေးသည် ဥပဒေမရှိသောကြောင့် ကမ္ဘောဒီးယားမှ နောက်ထပ်အိမ်ဖော်မပို့ရန် Tenaganita မှ ပြောထားပါသည်။

ဤကဲ့သို့ မကြာသေးမီကဖြစ်ခဲ့သော နောက်ထပ် ကမ္ဘောဒီးယားအိမ်ဖော် နှစ်ဦး။

ဤအမှုမတိုင်ခင်မကြာသေးမီရက်ပိုင်းအတွင်းက ကမ္ဘောဒီးယားအိမ်ဖော်တစ်ဦးမှာ အိမ်ရှင်ကသတ်ဖြတ်ပြီး စွန့်ပစ်ထားခဲ့သည်ကို ရဲအဖွဲ့မှ တွေ့ရှိခဲ့ ရသည်။ နောက်တစ်ဦးမှာ ထွက်ပြေးလွတ်မြောက်လာခဲ့ပြီး၊ အိမ်ရှင်က ရက်စက်စွာ နှိပ်စက်ထားသည်အပြင် သူမကို ကတုံးတုံးပစ်ခဲ့သည်။

အင်ဒိုနီးရှား နှင့် ကမ္ဘောဒီးယားသံရုံးထုတ်ပြန်ချက်အရ မလေးရှားတွင် အိမ်ဖော်အရေအတွက် ၂၃၀ ၀၀၀ ကျော်ရှိပြီး (တရားဝင်စာရွက်စာတမ်းနှင့် အိမ်အကူပါမစ်ကိုင်ဆောင်ထားသူ) နှစ်စဉ် အိမ်ရှင်တို့ကြောင့် မတရားရက်စက်ခံရသူ အရေအတွက် ၂၀၀၀ ကျော်ရှိသည် ဆိုပါသည်။

စုစုပေါင်းအရေတွက်နှင့် နှိုင်းယှဉ်လျှင် ရက်စက်မှုမှာ ရာခိုင်နှုန်းနည်းသည်ဆိုသော်လည်း၊ လူ့အခွင့်အရေးအဖွဲ့များ၏အဆိုအရ မလေးရှားနိုင်ငံသား တို့၏ လူမဆန်မှုများနှင့် အစိုးရ၏ ထိရောက်သော ဥပဒေအခွင့်အရေးများ ဖန်တီးမပေးနိုင်မှု သည်၊ နိုင်ငံတကာတွင်ရှက်ဖွယ်ကောင်းသည် ဆိုသည်။

မလေးရှားသည် ဖွံ့ဖြိုးတိုးတက်နေသောကြောင့် နိုင်ငံသားတို့သည်အောက်ခြေသိမ်းအလုပ်များနှင့် လုပ်ခနည်းသော ပင်ပန်းသည့်အလုပ်များကို မလုပ်လိုကြ။ သို့အတွက်ကြောင့် အလုပ်ရှင်တို့က လုပ်ခအနည်းငယ် သာပေးရသော နိုင်ငံခြားအလုပ်သမားများကို ခေါ်ခိုင်းကြသည်။ ဆောက်လုပ်ရေးလုပ်ငန်း၊ ဆီအုန်းခြံ၊ရာဘာခြံနှင့် အခြားအလုပ်ကြမ်းများ၊ အိမ်ဖော် စသည်တို့ကို နိုင်ငံခြားအလုပ်သမားများကို ဈေးပေါပေါ ပေးခိုင်းကြသည်။

မိမိနိုင်ငံမဟုတ်သောကြောင့် အလုပ်သမားတို့မှာ အောက်ကျနောက်ကျ နှင့်ဆင်းရဲပင်ပန်းစွာ အနှိမ်ခံ၍ လုပ်ကိုင်ကြရသည်။ (တရားဝင်စာရွက် စာတမ်းရှိသူများပင် ကြုံနေရသည်။ တရားဝင်စာရွက်စာတမ်းမရှိသောသူများ၊ ဒုက္ခသည်များ မည်သို့ကြုံတွေ့ခံစားနေရသည်ကို တွေးကြပါကုန်)။

မလေးရှားနိုင်ငံသားအလုပ်ရှင်တို့၏ မတရားရက်စက် နှိပ်စက်မှုများ ဆက်တိုက်ထွက်ပေါ်လာသောကြောင့် အင်ဒိုနီးရှားသည် ၂၀၀၉ တွင် အိမ်ဖော် ပေးပို့ခြင်းရပ်ဆိုင်းခဲ့သည်။ လွန်ခဲ့သော ၃ - နှစ်က အိမ်ဖော်အရေအတွက် ၂၈၀ ၀၀၀ ရှိရာမှ ယခု ၂၃၀ ၀၀၀ သာရှိတော့သည်။ ယင်းတွင် ကမ္ဘောဒီးယားမှ ၅၀ ၀၀၀ ရှိပြီး၊ ယခုတစ်နှစ်တည်းတွင် ၃၀ ၀၀၀ ရောက်ခဲ့သည်။

နိုင်ငံအားလုံး မလေးရှားသို့ အိမ်ဖော်များ ပို့ခြင်းကို ရပ်တန့်ကြပါ….

မလေးရှားအစိုးရက အိမ်ဖော်များကို ယခုကဲ့သို့ သူ့နိုင်ငံသားများ မတရားမှုများကျူးလွန်နေသည်ကို လက်မခံနိုင်ကြောင်းပြောသော်လည်း၊ ထိရောက်သော ဥပဒေကာကွယ်မှု ယခုထိမရှိသေးပါ။ (ယခုအချိန်ထိ)။ အမှုများနှင့် ပတ်သက်၍ လူ့အခွင့်အရေးအဖွဲ့များ၏ စုံစမ်းမေးမြန်းမှု များကို ပင် ပိတ်ပင်တားဆီးကြခြင်း၊ ဖြေဆိုရန် ငြင်းဆန်ခြင်းများ ရှိနေသည်။

Tenaganita အဖွဲ့ ဒါရိုက်တာ Irene Fernandez က မလေးရှားသို့လာရောက်ကြသော အိမ်ဖော်တို့မှာ ဆင်းရဲသောနိုင်ငံများမှ ဖြစ်ခြင်း၊ သူတို့၏ နိုင်ငံများမှ သက်ဆိုင်သော အစိုးရအဖွဲ့နှင့်သံရုံးများမှလည်း ထိရောက်စွာ ကာကွယ်မှုမပေးသောကြောင့် မတရားမှုများကို ကြုံတွေ့နေရခြင်း ဖြစ်ကြောင်းပြောပါသည်။ (ဖိလစ်ပိုင်မှလွဲ၍- ဖိလစ်ပိုင်အစိုးရသည် သူ့နိုင်ငံသူ၊ နိုင်ငံသားများကို မည်သို့သေးငယ်သောမတရားမှုခံရသည်ဖြစ်စေ အပြည့်အ၀ကာကွယ်တိုက်ခိုက်ပေးသည်။)

သူမက ဆက်လက်၍ “အိမ်ရှင်က စာရွက်စာတမ်းများကို မည်သည့်အခါမှ ထုတ်မပေးဘဲသိမ်းထားခြင်းနှင့် ပိတ်ရက်မပေးခြင်းတို့သည်လည်း အလုပ်သမားဥပဒေကို ချိုးဖောက်ခြင်း ဖြစ်သည်” ဟုဆိုသည်။

ယခုလက်ရှိဖြစ်ပေါ်နေသော ပြဿနာအရင်းအမြစ်ကို မလေးရှားအစိုးရသည် ဖြေရှင်းရန် ကြိုးစားမှုမပြုခြင်းနှင့် နောက်ထပ်မဖြစ်ပေါ်ရန် ဥပဒေထုတ်ပြန်ခြင်းမရှိဘဲ အခြားနိုင်ငံများမှ အိမ်ဖော်များ ရရှိရန် အသစ်ဆွေးနွေးနေမှုများသည် အံ့သြစရာကောင်းပြီး သူ့နိုင်ငံသားတို့၏လူမဆန်သည့် လုပ်ရပ်များကို အားပေးအားမြှောက်ပြုနေသည်ဟု ပြောဆိုလိုက်သည်။

Tenaganita သည် Suhakam စသည့်လူ့အခွင့်အရေး NGO နှင့်ပူးပေါင်း၍ မလေးရှားသို့အိမ်ဖော်ပို့ခြင်းကို ပိတ်ပစ်ရန် ကမ္ဘောဒီးယားနိုင်ငံအား တိုက်တွန်း ခဲ့သည်။ အင်ဒိုနီးရှားသို့လည်း ပန်ကြားခဲ့သည်။

“ကျမက ကျမရဲ့ လုပ်အားခကို လိုချင်ပါတယ်” …..

ဟု… Hok Pov ကပြောပါသည်။ သူမကို ခေါ်စဉ်က တစ်လ မလေးရှားရင်းဂစ် -၆၅၀- ရမည်ဟု ကတိပေးခဲ့သည်။ သူမသည် အလုပ်ရှင်ထံမှ လုပ်ခ တစ်ပြားတစ်ချပ်မှ မရခဲ့ပါ။ “လုပ်ခကို လိုချင်ပါတယ်။ မလေးရှားကနေ အမြန်ဆုံး ထွက်သွားပြီး နောက်ထပ်ဘယ်တော့မှ မလာတော့ပါဘူး” ဟု လူ့အခွင့်အရေးအဖွဲ့ကို ပြောခဲ့သည်။

“သူတို့က ချမ်းသာတယ်။ ပညာတတ်တယ်။ ဘာသာရေးကိုင်းရှိုင်းကြတယ်။ ဘာကြောင့် ကျမလို ဆင်းရဲတဲ့လူတစ်ယောက်အပေါ်၊ သူတို့အတွက် အလုပ်လုပ်ပေးတဲ့ လူတစ်ယောက်အပေါ် လူမဆန်စွာနှိပ်စက်ရတာလဲ။ ကျမ ဘာမှ မတုံ့ပြန်ခဲ့ပါဘူး။ ညတိုင်းကျမ ငိုခဲ့ရပါတယ်။ အဲဒီမှာ နေခဲ့ရတာ ကျမအတွက် ငရဲရောက်သလို ပါပဲ” ဟု Hok Pov ကပြောသည်။

Tenaganita မှ Liva Sreedhana ကအမှုဖွင့်ရန်ကြိုးစားသော်လည်း၊ Hok Pov ၏ကိုယ်တွင် ဒဏ်ရာမတွေ့ရ၍ မအောင်မြင်ခဲ့။ (ပါးရိုက်ခံရခဲ့ရသည့် အတွက် သွားကျိုးခဲ့သော်လည်း)။ အလုပ်ရှင်နှင့် တွေ့ဆုံ၍ လုပ်ခပေးရန် အရေးဆိုရာ အလုပ်ရှင်မှ ငြင်းဆိုခဲ့သည်။ သို့အတွက် လစာ ရရန် တရားစွဲမည်ဖြစ်သည်။ (အမှုမထူးခြားသေး။)

Hok Pov ကဲ့သို့ Tenaganita တွင် ခိုလှုံနေသော Men Chaveasna သည် သူမ အလုပ်ရှင်ထံတွင် ၂- နှစ်အလုပ်လုပ်ပြီးသော်လည်း၊ လုပ်ခလစာ လုံးဝမရခဲ့။

Men Chaveasna သည် သူမ၏ လယ်သမားမိသားစုကို ထောက်ပံ့နိုင်ရန် မလေးရှားတွင် အိမ်ဖော်အလုပ်ကို လာရောက်လုပ်ကိုင်ခဲ့သည်။ Tenaganita အကူအညီဖြင့် တရားရုံးတွင် လစာရရေးအတွက် တရားစွဲဆိုရာ၊ တရားရုံးက သူမရမည့် ၂-နှစ်အတွက် လုပ်ခလစာ မလေးရင်းဂစ် - ၇ ၇၀၀- ကိုသူမအား ပေးရမည်ဟု အလုပ်ရှင်ကို အမိန့်ချမှတ်ခဲ့သည်။ သို့သော် သူမ အလုပ်ရှင်က ဤဆုံးဖြတ်ချက်ကို မကျေနပ်၍ အထက်တရားရုံးကို အယူခံတင်ထားသောကြောင့် အမှုမှာမပြီးပြတ်သေးပါ။ သူမကို Tenaganita ကစောင့်ရှောက်ထားသည်။ “မလေးရှားသည် အလုပ်လုပ်ကိုင်ရန် ကောင်းသောနိုင်ငံမဟုတ်သောကြောင့် နောင်ဘယ်တော့မှ မလာတော့ပါ” သူမက ပြောသည်။

ကမ္ဘောဒီးယား သံအမတ် Norodom Arunrasmy ကမလေးရှားသည်ယင်းတို့နိုင်ငံသူ အိမ်ဖော်များကို မတရားနှိပ်စက်မှု အများဆုံးပြုသည့်နိုင်ငံ ဖြစ်သည်ဟု ဆိုပါသည်။

ယခုရေးသားလျက်ရှိသော မလေးရှားရှိအိမ်ဖော်၊ အိမ်အကူတို့၏ဘ၀ စာများ၏ ရည်ရွယ်ချက်မှာ မြန်မာနိုင်ငံသားများ မလေးရှားအလုပ်ရှင်၊ အိမ်ရှင်တို့၏ မတရားရက်စက်မှုများကို သိစေလိုခြင်း၊ မြန်မာနိုင်ငံမှ ကျွန်ုပ်တို့၏ ညီမ၊ အစ်မများ မလေးရှားသို့အိမ်ဖော်အဖြစ် မရောက်လာရေး အတွက် တစ်ဖက်တစ်လမ်းမှ အထောက်အကူဖြစ်စေရေး ဖြစ်သည်။ ဤအကြောင်းအရာနှင့် ဤစာကို မိတ်ဆွေတို့ကြိုးပမ်းနေမှုများတွင် သဲတစ်ပွင့်အဖြစ်လိုအပ်ပါက ကြိုက်သလို သုံးနိုင်သည်။

 ဆက်လက်ဖော်ပြပါမည်။

 Friend Ever (နွားကျောင်းသား)

Ref:       Free Malaysia Today
              http://www.asafeworldforwomen.org/womens-rights/wr-asia-pacific/wr-malaysia/
              http://khmerization.blogspot.com/2011/08/ (Sunday, 21 August 2011)

Hok Pov မျက်ရည်ကြားမှ သူမ အဖြစ်ကို ပြောပြစဉ်

Tenaganita သို့ရောက်လာသော Hok Pov