Monday, November 5, 2012

သီရိလင်္ကာအကြောင်း သိကောင်းစရာ


သီရိလင်္ကာအကြောင်း သိကောင်းစရာ


ဒီနေ့ မနက် နေရောင်ခြည်ရဲ့ အလင်းအောက်မှာ စာရေးသူသည် coffee လေး သောက်ရင်း အတွေးလေးတွေ အရိပ်ထိုးချသလားလို့ ထင်လောက်အောင် အမှတ်မထင် အတွေးလေးတစ်ခု ဝင်ရောက်ပါတယ်။ အဲဒါကတော့ (History of Sri Lanka) သီရိလင်္ကာနိုင်ငံရဲ့ သမိုင်းလေး အချို့နဲ့ (Sri Lanka Culture) သီရိလင်္ကာ ယဉ်ကျေးမှု ပုံရိပ်လေးတွေပင် ဖြစ်သည်။ သီရိလင်္ကာနိုင်ငံသည် (Geology or Map of Sri Lanka) မဟာပထဝီဝင် မြေပုံ ပုံစံ အနေနဲ့ ကြည့်လျှင် (South Asia) တောင်ဘက် အာရှနိုင်ငံတွင် ပါဝင်သော နိုင်ငံဖြစ်သည်။ တောင် အာရှနိုင်ငံဖြစ်သော သီရိလင်္ကာနိုင်ငံကို မြန်မာပြည်သူတွေ အနေနဲ့ လင်္ကာဒီပကျွန်း၊ သီဟိုဠ် ကျွန်းလို့ အသိများကြသည်။

(သီရိလင်္ကာ သမိုင်း အကျဉ်းချုပ်)

မြတ်စွာဘုရားရှင်သည် မဟာပရိနိဗ္ဗာန် စံဝင်တော်မူသည့်နေ့မှာပင် ဝိဇယဗာဟု မင်းသားသည် မဇ္ဈိမဒေသ အိန္ဒိယမှ လင်္ကာဒီပကျွန်းသို့ ရောက်လာခဲ့၍ ဘီလူးမ ကုဝဏ္ဏာနှင့် သင့်သည်၊ သီရိယဝတ္ထုပြည် မဟာကာလသေန ဘီလူးမင်းနှင့် လင်္ကာဒီပပြည် ဂေါဏ္ဍာဘီလူးမ သမီး ပါလ မိတ္တာကို မင်္ဂလာဆောင်သည့် ပွဲ၌ ဘီလူးအပေါင်းကိုသတ်ပြီးမှ တမ္ပပဏ္ဏိယမြို့သို့ တည်၍ ဒက္ခိ ဏ ပဒ မဓူရပြည် ဗဏ္ဍုမင်းသမီးနှင့် ၃၈ နှစ်မင်းပြု၏။ ဝိဇယဗာဟုမင်း နန်းတက်လာသည့် အချိန်မှ စ၍ လူနေ ဒေသဖြစ်လာသည်။ ဝိဇယမင်း နတ်ရွာစံပြီနောက်တွင် ပဏ္ဍုဝါသု ဒေဝ မရောက်မီ၌ သီဟိုဠ်မင်းဆက်မှာ ၁ နှစ် လပ်နေခဲ့သည်။

ဘုရား ပရိနိဗ္ဗာန်စံဝင်တော်မူပြီနောက် သာသနာနှစ် ၄ဝ ပြည့် ဝိဇယညီ သုမိတ္တာ သား ဗဏ္ဍုဝါ သုဒေဝ က နှစ် ၃ဝ မင်း ပြု၏။ သာသနာတော် ၇ဝ ရောက်ရှိသောအခါ ထိုမင်း၏သား အဘယ မင်းသာက နှစ် ၂ဝ မင်းပြု၏။ သာသနာတော် ၉ဝ ခုနှစ် ရောက်ရှိသောအခါ အဘယညီ တိဿ မင်းသားက ၁၇ နှစ် မင်းပြု၏။ သာသနာတော် ၁ဝ၇ ခုနှစ် ရောက်ရှိသောအခါ အဘယတူ ပဏ္ဍုကာဘယ က နှစ် ၇ဝ မင်းပြု၏။ သာသနာ ၁၇၇ ခုနှစ် ရောက် ရှိသောအခါ ထို မင်း၏ သား မုဋသီဝ အနှစ် ၆ဝ မင်း ပြု၏။ အကျဉ်းချုပ် အနေအားဖြင့် သီဟိုဠ်မင်းဆက်ပေါင်း ၁၇၇- ရှိသည်။

သီရိလင်္ကာနိုင်ငံသည် ခရစ်-၁၅၀၅ ခုနှစ် ပေါ်တူဂီ လူမျိုးများ၊ ၁၆၀၂-၁၆၅၈-ခုနှစ် ဒတ်ခ်ျ (နယ်သာလန်) လူမျိုးများ၊ ၁၇၉၆-ခုနှစ် ဗြိတိသျှ လူမျိုးတို့၏ သိမ်းပိုက်ခြင်း ခံခဲ့ရပါသည်။ ၁၉၄၈-ခုနှစ်၊ ဖေဖေါ်ဝါရီလ-၄ ရက်နေ့မှာ ဒိုမီနိယံ လွတ်လပ်ရေးရကာ ၁၉၇၂- ခုနှစ်၊ မေလ- ၂၂ ရက်မှစ၍ သီရိလင်္ကာသမ္မတနိုင်ငံ ဖြစ်လာသည်။ အဲဒီအချိန်တုန်းက အနောက်တိုင်း လူမျိုးများက သီရိလင်္ကာနိုင်ငံကို (Ceylon) စီလွန် ဟု ခေါ်ဝေါ်ခဲ့ကြသည်။ ယခုအခါ သီရိ လင်္ကာနိုင်ငံသည် Republic of Sri Lanka ဖြစ်လာသည်။

(မြေပုံအနေထား၊ လူဦးရေနှင့် ဗုဒ္ဓဘာသာဝင်များ)

သီရိလင်္ကာနိုင်ငံသည် မြန်မာပြည်၏ အနောက်ဘက်တွင် တည်ရှိသော နိုင်ငံ တစ်နိုင်ငံဖြစ် သည်။ အခြားတစ်ဘက်တွင်လည်း သီရိလင်္ကာနိုင်ငံသည် အိန္ဒိယပြည်တောင်ဘက် အိန္ဒိယ ပင်လယ်အတွင်း တည်ရှိရကား၊ အိန္ဒိယဆိပ်ကမ်းမှ ၂၂-မိုင်၊ ရန်ကုန်မှ ၁၂၃၅-မိုင် အကွာအဝေး မှာ တည်ရှိပါသည်။ သီရိလင်္ကာနိုင်ငံသည် အလျား-၂၇၀၊ အနံ-၁၄၀-မိုင်၊ အကျယ်စတုရန်း-၂၅၃၃၂-မိုင် ရှိသည်။ သီရိလင်္ကာသည် မြန်မာ၊ ထိုင်း၊ လာအို၊ ကမ္ဘောဒိယားနိုင်ငံ တို့နှင်အတူ ထေရ၀ါဒဗုဒ္ဓဘာသာ ငါးနိုင်ငံတွင် ပါဝင်သော နိုင်ငံ တစ်နိုင်ငံ ဖြစ်သည်။ ထို့အပြင် ပြီခဲ့သော မတ်ခ်ျလ ၂၀ ရက်နေ့ ၂၀၁၂ ခုနှစ်တွင် လူဦးရေ သန်း-၂၀- ၂၇၇-၅၉၇ ရှိ ၍ ဗုဒ္ဓဘာသာဝင် ၆၉-ရာခိုင်းနှုန်း၊ ရဟန်းသံဃာ ၄-သောင်းကျော် ရှိသည်။

(သာသနာ စတင်ရောက်ရှိချိန်)

သီရိလင်္ကာ လူမျိုးတို့၏ သမိုင်းအရ ပြောရမည်ဆိုလျင် မြတ်စွာဘုရားရှင်သည် ဘုရားဖြစ်တော် မူပြီး ၉-လမှာ တစ်ကြိမ်၊ ၅-၀ါအရ တစ်ကြိမ်နှင့် ၈-၀ါအရမှာ တစ်ကြိမ် စုစုပေါင်း သုံးကြိမ် တိုင်တိုင် ကြွရောက်တော်မူခဲ့သည်။ သာသနာနှစ် ၂၄၇-ခုနှစ်၊ အရှင်မဟာမောဂ္ဂလိပုတ္တတိဿ အမှူးရှိသော ရဟန္တာအရှင်မြတ်တို့၏ တတိယ သံဃာယနာတင်ပြီး ကိုးတိုင်း ကိုးဌာန သာသနာပြုစေလွှတ်ခဲ့ရာ အသောကမင်းကြီး၏သားတော် အရှင်မဟိန္ဒ၊ သမီးတော် သင်္ဃ မိတ္တာထေရီမတို့ ကြွရောက် သာသနာပြုခဲ့ကြသည်။ သမီးတော် သဃမိတ္တာထေရီမသည် လည်း မဟာဗောဓိပင်ကိုပါ တပါတည်း ပင့်ဆောင်ခဲ့သည်။ ထိုအချိန်တွင် ဒေ၀ါနံပိယတိဿ မင်း နန်းတက်စ ၇-လ၊ အရှင်မဟိန္ဒမထေရ် ၁၂-၀ါ အရမှာ သာသနာစတင်ပြန့်ပွားသည်။

(သီရိလင်္ကာနိုင်ငံ၏ သမိုင်းဝင် ၁၆ ဌာန)

မြတ်စွာဘုရားသခင် တတိယကြိမ် ကြွရောက်စဉ်တွင် နောက်လိုက် နောက်ပါ ရဟန္တာငါးရာနှင့် တကွ သီတင်းသုံးရာ ၁၆-ဌာနကို သီရိလင်္ကာ ပညာရှင်များနှင့် အုပ်ချုပ်သူများ က စေတီတော်ကြီး ၁၆-ဆူ သမိုင်းဝင် အထိမ်းအမှတ် တည်ထားခဲ့သည်။ ၄င်း သမိုင်းဝင် စေတီ များမှာ အောက်ပါအတိုင်းပင် ဖြစ်သည်။

(၁) မဟိယင်္ဂဏစေတီတော်၊ (၂) နာဂဒီပစေတီတော်၊ (၃) ကလျာဏီစေတီတော် (ရဟန္တာများ သမုတ်ရာ ကလျာဏီသိမ်)၊ (၄) စေတီပါဒစေတီတော် (မြတ်စွာဘုရားရှင်၏ ခြေတော်ရာ ရှိသောတောင်)၊ (၅) ဒိဝါဂုဟာစေတီတော်၊ (၆) ဒီဃ၀ါပီစေတီတော်၊ (၇) မုတိယင်္ဂ ဏစေတီတော်၊ (၈) တိဿ မဟာဝိဟာရစေတီတော်၊ (၉) ဒက္ခိဏသာခါ (မဟာဗောဓိ ပင်တည်ရှိရာ)၊ (၁၀) မရီစ၀ဋ္ဋိစေတီတော်၊ (၁၁) မဟာစေတီတော်၊  (၁၂) ထူပါရာမစေ တီတော်၊ (၁၃) အဘယဂိရိစေတီတော်၊ (၁၄) ဇေတ၀နစေတီတော်၊ (၁၅) သိလာစေတီတော်၊ (၁၆) ခီရစေတီတော် တို့ဖြစ်ကြသည်။ သို့သော် ပါရာဇိကဏ် အဋ္ဌာကထာအဖွင့်မှာ (၇) ဌာနသာ ဖော်ပြထားပါသည်။

(ဗုဒ္ဓ မြတ်စွယ်တော် ကိန်းဝပ်ရာ ဌာန)

သီရိလင်္ကာနိုင်ငံ၏ ဒုတိယမြို့တော်ဖြစ်သော ကန္ဒီမြို့တော်မှာ ကိန်းဝပ်ပူဇော်ခံထားလေသည်။ ဒုတိယမြို့တော်လည်းဖြစ် ရှေးဟောင်းမြို့တော်ဖြစ်သော ကန္ဒီမြို့သည် ကိုလံဘိုမြို့တော်မှ ၁၂၀-ကီလိုမီတာခန့် ဝေး၍ ကိုယ်ပိုင် ကားဖြင့် ၃- နာရီခွဲလောက် မောင်းနှင်မှသာ ရောက် ရှိနိုင်သော တောင်မြို့လေးဖြစ်သည်။ မြတ်ဗုဒ္ဓစွယ်တော်ကို လေးနှစ်တစ်ကြိမ် စွယ်တော်ထည့် ရာ ကြုတ်ကိုဖွင့် လှစ်ဟပြသပြီး ခန်းနားကြီးကျယ်စွာ လှည့်လည်ပူဇော်ခံခြင်း၊ နှစ်စဉ်နှစ် တိုင်းလည်း စွယ်တော်ကြုတ်ကို ပိတ်လျှက် အခန်းအနားဖြင့် လှည့်လည်ပူဇော်ခြင်း၊ နေ့စဉ်နေ့ တိုင်း မနက်ဆွမ်းတော်တင်ချိန်၊ နေ့ဆွမ်းကပ်ချိန်တိုင်းလည်း စွယ်တော်ကိမ်းဝပ် ရာ ကျောင်းဆောင်ကို လှစ်ဟပေးခြင်းဖြင့် နိုင်ငံရပ်ခြားမှ လာရောက်ကြသော ဘုရားဖူးများ ဖူးမြော် ခွင့်ရကြသည်။

(တက်နိုင်သလောက် မှီနိုင်သလောက် ကိုယ်ပိုင် ဘာသာပြန်နှင့် အခြားအရာများကို ငြင်းမှီပြီ တင်ပြအပ်ပါသည်)

တက္ကသိုလ်မြတ်မင်း

1 comment:

  1. ဖတ်ရှုလေ့လာသွားပါတယ် အရှင်ဘုရား။
    တပည့်တော်နဲ့ ရင်းနှီးကျွမ်းဝင်းခြင်း မရှိသေးတဲ့ အကြောင်းအရာမို့ အသိဗဟုသုတတွေ ရသွားပါတယ်။

    ReplyDelete

အမေပေးသောနှလုံးသား

အမေပေးသောနှလုံးသား
လေညှင်းလေးတွေ သယ်ဆောင်သော ဆောင်းလပျောက်သော နွေဦးတစ်ညမှာ မဟူရာညရောင်နှင့် အပူဆောင်ည အငွေ့အသက်တွေက ကမ္ဘာမြေပေါ်ပြန့်နှံလို့ လူတွေတောင် စိတ်ကူးပျက်သော ငြီးငွေ့သံတွေနဲ့ ချွေးတွေကိုယ်စီကျလို့ မြေခနေသော အချိန်မှာ အမေဟာအပြုံးတွေဝေကာ တို့များအတွက် အကောင်းဆုံးပုံပြင်လေးတစ်ပုဒ်ပြောပြနေသလို အေးမြသောဆုံးမသံစဉ်တွေက တို့ဘ၀အတွက် အရေးကြီးဆုံးသောဖြစ်သလို ဘယ်အရာနဲ့မှ မလဲနိုင်သော အဖိုးတန်သော အရာပင်ဖြစ်ပေသည်။ ထိုစဉ်အခါဝယ် အမေပေးသောနှလုံးသားအလှပုံပြင်တစ်ပုဒ်က အပူရောင်ပြန်နေသော ကမ္ဘာမြေပေါ်ကို မေတ္တာရေကြည်ဖြန်းသလို အေးမြနေပါတော့သည်။ ထိုအချိန်ဝယ် အမေပြောနေသောပုံပြင်သံစဉ်တွေကို တို့တတွေနားစဉ်နေခိုက် အမေဟာ အပူဒဏ်ကိုကာကွယ်ပေးသေယ သီတဂူလမင်းကြီးပမာ အေမြနေသလို သားသ္မီးလေးတွေကလည်း ကြယ်ကလေးတွေပမာ အမေပေးသော မေတ္တာတွေကလွှမ်းခြုံရ်ျနေပါတော့သည်။ အော်....လောကကြီးက ဘယ်လိုပင်ပူနေပါစေ သဘာဝက ဘယ်လိုပင် ရာသီဥတုတွေပြောင်းလွဲနေပါစေ နေညတွေ ဘယ်လိုပင်ပြောင်းလွဲနေပါစေ အရာရာတိုင်းက ဘယ်လိုပင်ပြောင်းလွဲနေပါစေ အမေပေးသောနှလုံးသားက မပြောင်းလွဲတာအမှန်ပင်ဖြစ်သည်။ လောကဓံက ဘယ်လိုပင်ရိုက်ချက်ပြင်းပါစေအုန်း အမေပေးသောနှလုံးသားက အေးမြနေမြဲပင်ဖြစ်သည်။ အဲဒါတွေဟာ အမေ့ရဲ့အနာဂါတ် မျှော်လင့်ချက်နှလုံးသားဖြစ်သလို သားသ္မီးအတွက် ဘ၀ရှေ့ရေးနျင့်အနာဂါတ်ရည်မှန်းချက်ပန်တိုင်ဆီသို့ဦးတည်နေပါသည်။ မည်သို့ဆိုစေဦးတော့ ထပ်ရ်ျဆိုဦးအံ......အမေပေးသောနှလုံးသားဟူသည် သားသ္မီးတို့၏ အသိစိတ်ဓာတ်လမ်းညွန်ပင်ဖြစ်သလို အောင်မြင်ရေး လူမှုရေး တိုးတက်ရေး ပညာရေးစသည် အားလုံးတို့၏ လမ်းညွန်ပင်ဖြစ်သည်ရေးသားရင်း ဆက်လက်ရေးသားပါဦးအံ.............။

အမေ...အမေ

အမေ...အမေ
ကျွန်တော့်ကိုမွေးခဲ့တဲ့...အမေ.. သူများအမေတွေထက် ဒုက္ခခံခဲ့ရတယ်..... ကျွန်တော့်ကိုကျွေးခဲ့တဲ့...အမေ.. သူများအမေတွေထက် အကုန်များခဲ့ရတယ်..... ကျွန်တော့်ကိုချစ်တဲ့...အမေ.. သူများအမေတွေထက် စိတ်ဆင်းရဲခဲ့ရတယ်..... သားကို သခင်... လင်ကို ဘုရား ဆိုတဲ့ အမေ.... ကျွန်တော့်အတွက်နဲ့ မျက်ရည်ပေါက်ကြီးငယ်ကျခဲ့ရတယ်... လောကမှာ ကျွန်တော် တစ်ခြားသောအရာတွေမှာဘဲနိမ့်ကျခြင်နိမ့်ကျမယ်... မိခင်မေတ္တာနဲ့ ပတ်သက်လာရင်တော့.. တစ်လောကလုံးကို ရင်ကော့ခေါင်းမော့ပြီး ရင်ဆိုင်နိူင်ခဲ့တယ်... အဲ့ဒီလိုဆိုးခဲ့တဲ့သားက..အခု မေကြီးမေတ္တာနဲ့.. အသက်ဆက်ခဲ့တာပါ... အဲ့ဒီလိုမိုက်ခဲ့တဲ့သားက..အခု မေကြီးကရုဏာနဲ့.. လူဆက်ဖြစ်နေခဲ့တာပါ... ကျေးဇူး အထူးပါမေကြီးရယ်... အရာရာအားလုံးအတွက်ပါခင်ဗျာ..... သားကြီးဂတိပေးပါတယ်...မေကြီး သားအသက်ရှင်နေသမျှကာလပတ်လုံး.. ဒီလောကကြီးထဲမှာ... မေကြီးဘာအကြောင်းကြောင့်နဲ့မှ စိတ်ဒုက္ခတွေ သောကဝေဒနာတွေ ဘယ်သောအခါမှ ထပ်မဖြစ်စေရပါဘူး...