သမိုင်းကြောင်းပေါ်မှာ သူဟာ
ပေးဆပ်မှုတွေ သိပ်များလွန်းလို့
နာကြည်းမယ်ဆိုလည်း နာကြည်းသင့်ပါရဲ့
ဒါပေမဲ့... သူဟာ နာကြည်းမှုတွေကို
မေတ္တာနဲ့ လမ်းခင်း လျှောက်လှမ်းခဲ့တယ်...။
သူဟာ သူ့ ပြည်အတွက်
အရာအားလုံး စွန့်လွတ်ခဲ့တယ်..။
သူဟာ သူချစ်တဲ့ ပြည်သူတွေအတွက်
ဘဝတစ်ခုလုံး ပေးဆပ်ခဲ့တယ်...။
သူဟာ အများအတွက် ဦးစားပေးလို့
အမှောင်ကျနေတဲ့ ကမ္ဘာတစ်ခြမ်းကို
တခဏတာ မှေးစက်နေသော်လည်း
သူ့အသိ သူ့မျက်ဝန်းအိမ်မှာ
ကရုဏာ မေတ္တာတွေနဲ့
ငြိမ်းချမ်းရေး ဖော်ဆောင်နေသူပါ..။
သူဟာ သူ့အတ္တကို ပယ်ရှားလို့
သူ့ ပြည်သူတွေအတွက်
ငြိမ်းချမ်းရေးလမ်းစဉ်ကို
စတင်ရေးဆွဲခဲ့သူပါ...။
သူဟာ သူ့ ချစ်တဲ့ ပြည်သူတွေအတွက်ဆို
မိသားစု မာန်မာန အတ္တတွေ ခဝါချလို့
ငြိမ်းချမ်းရေးလမ်းစဉ်ပေါ်ကို ခေါ်ဆောင်ပေးတဲ့ သူပေါ့..။
သူဟာ သူ့ ပြည်သူတွေအတွက်
အနာဂတ်မျက်လုံး ပိုင်ရှင်ပေါ့..။
သူဟာ ပြည်သူအားလုံးတို့ရဲ့
တစ်ဦးတည်းသော မိခင်ပေါ့..။
သူ့အသက် ၆၇ နှစ်ရောက်ပြီ...
သူ့အတွက်... ပြည်သူ့မေတ္တာနဲ့
မွေးနေ့ဆုတောင်းလေးတွေ
ကိုယ်စီ ဆုတောင်းပေးလို့
တိုင်းပြည်ရဲ့ အနာဂတ်ငြိမ်းချမ်းရေးကို
အားလုံး တာဝန်သိစိတ်နဲ့ ဖော်ဆောင်ကြစို့...။
တက္ကသိုလ်မြတ်မင်း
No comments:
Post a Comment