စကြာဝဠာ အနှိုင်းမဲ့ ဝတ်ရုံ
နေ့စဉ် ဆာလောင် မွတ်သိမ့်နေတဲ့
ကမ္ဘာမြေကြီးရဲ့ တောက်တင်းနေတဲ့
ခပ်မို့မို့ ရင်အုံထဲကို အနက်ရှိုင်းဆုံးတူးဆွလို့
ကျောက်မိုင်းလ်တွေနဲ့ လျပ်တစ်ပျက် ဖောက်ခွဲခဲ့
ဒါမှ မဟုတ် အနက်ရှိုင်းဆုံး တူးဆွလာတဲ့
အလုပ်သမားဟာ ထိုးဖောက်မှု တစ်ခု မှားသွားခဲ့ရင်
အဖိုးထိုက်တန်တဲ့ ပြည်တန် ကျောက်မျက် ရတနာ
ပွန်းပဲ့ ကြေမွသွားနိုင်သလို ဟန်ချက်မညီလို့
တစ်ချက် မှားသွားပြန်ရင်လည်း တန်ပြန် ဆူးတွေ
မဖိတ်ခေါ်ပဲ ရောက်လာပြန်တယ်လေ...။
လောကဓံက နပန်း အသတ်ကောင်းလို့
လဲကျတိုင်း ပြန်ရုန်းထဖို့ အားစိုက်ခဲ့
ထိရှတိုင်းလည်း ကုသရင်း
လေ့ကျင့်ခန်း မြောက်များစွာ ကျော်ဖြတ်
သိတက်လာတဲ့ လာလမ်းတိုင်း
ပတ်ဝန်းကျင်ကို လေးစားတက်လာတယ်...။
တကယ်တော့ မေတ္တာဆိုတာ....
ပတ်ဝန်းကျင်ကို စက္ကန့်မခြားတဲ့
အပြုံးတွေနဲ့ ကြိုဆိုရေး မိတ်ဖွဲ့လို့
အတွင်းစိတ် အပြင်စိတ်တွေကို
ငြိမ်းအေးစေတဲ့ ကောင်းကင်ကြီးပေါ့...။
ရာသီဥတု အင်း အိုင် ချောင်း မြောင်း
ကာလတွေ ပြောင်းလွဲနေပေမဲ့
လူသားရဲ့ ဘဝ လောကဓံ စစ်မြေပြင်က
စွမ်းအား အကောင်းဆုံးဆိုတာ
အအေးမြဆုံး မေတ္တာပေါ့...။
ဘဝမြေမျက်နှာပြင် မတူညီလိုိ့
အခြေနေတွေ ခြားနားနေပေမဲ့
ကာရံတံတိုင်းတွေ ကာဆီးမှုကင်းတဲ့
ကောင်းကင်ဟာ မေတ္တာကောင်းကင်ကြီးပေါ့...။
ရုပ်ဝတ္ထု ကိုယ်ထည် အချိုးကျကျနဲ့
မွန်းမံထားတဲ့ ရုပ်ကြွပုံထက်မှာ
မေတ္တာဆိုတာ ရှာမရခဲ့...
နှစ်တွေကြာခဲ့ပေမဲ့ အိုဟောင်းသွားတဲ့
ရင့်ကျက်လွန်းတဲ့ ကိုယ်ကျင့်တရားရဲ့
အတွင်းကျကျ ရုပ်ကြွပုံရဲ့ နောက်ကွယ်မှာ
အအေးမြဆုံး မေတ္တာတွေ ရှာတွေခဲ့လို့ပေါ့...။
သဏ္ဍာန်မတူတဲ့ အနိမ့် အမြင့်တွေကြား
တည်ဆောက်ထားတဲ့ အုတ်မြစ်တစ်ခုဟာ
ဥပမာစံထားလို့ တင်ပြရမယ်ဆိုရင်
အတွင်းကျကျ ခိုင်မာလွန်းသော
ရေသောက်မြစ်ပမာ အအေးမြဆုံး မေတ္တာပေါ့...။
လောကဓံ ပန်းမွေ့ရာနှင့် ခရောင်းလမ်းမှာ
အကောင်း အဆိုး အကျိုးနှင့် အကြောင်း
နေနှင့် လ နေ့နှင့် ည ဖွားဘက်တော်ဖြစ်ကြပေမဲ့
ကိုယ်လျှောက်ဖူးတဲ့ ဘဝလမ်းကြောင်းပေါ်မှာ
အဆင်မပြေတာတွေ အဆင်ပြေတာတွေရော
အကြိမ်ကြိမ် ကံဆိုးခြင်း ကံကောင်းခြင်းတွေရော
ဆင်းရဲခြင်း ချမ်းသာခြင်းတွေရော
ဆာလောင်မွတ်သိမ့်ခြင်း ဆာလောင်မွတ်မှု မရှိခြင်းတွေရော
ရောဂါဖြစ်ခြင်း ရောဂါမဖြစ်တွေရော
ချစ်ခြင်း မုန်းခြင်တွေရော
အကြိမ်ကြိမ် တွေ့ကြုံ ခုတ်မောင်း ထိတွေ့ခဲ့လို့
ပတ်ဝန်းကျင်မှာ တွေ့ကြုံလာတဲ့အခိုက်
ကျော်ဖြတ်ဖူးတဲ့ စာနာခြင်းတွေနဲ့
အကျင့်စာဂ သတိတရားတွေ ပေါင်းစပ်လို့
အအေးမြဆုံး မေတ္တာတွေ ပို့သခဲ့ပေါ့..။
ရေချို ရေငံ ပေါင်းစပ်ထားတဲ့
လောကဓံ ဒီလှိုင်း ကြမ်းတမ်းလှပေမဲ့
လူ့ဘဝ ရေဆန်ကို ကူးခတ်လို့
လူမှန် နေရာမှန်နဲ့ ဝိမုတ္တိဇာတ်ခုံပေါ်မှာ
မေတ္တာဝတ်ရုံ ဝတ်ဆင်ထားရင်း
ကိုယ့်ဘဝ အဘိဓမ္မာကို
နိဒါန်းက အစချီ နိဂုံး မရောက်ခင်အထိ
အကောင်းဆုံး အလှဆင်ကြစို့....။
တက္ကသိုလ်မြတ်မင်း
No comments:
Post a Comment