လူတိုင်းရင်မှာ မင်္ဂလာ
နံနက်ခင်း အာရုဏ်ဦး အလင်းတတ်လာတဲ့ ရောင်နီဦး အညွန့်လေးကို ငေးကြည့်ရင်း တေးငှက်လေးများ တွန်းကျူးသံကို သာသာယာယာ ကြားရသဖြင့် လွန်စွာ ဝမ်းမြောက်ကောင်းလှပါတယ်။ နံနက်ခင်း၏ အလှတန်ဆာဟာလည်း အင်မတန် ကြည်နူးစရာကောင်းသလို ကျန်းမာခြင်းသည် လာဒ်တစ်ပါးဆိုသည့်အတိုင်း နံနက်စောစော ကျန်းမာရေး လေ့ကျင့်ခန်းနှင့် ကိုယ်လက် လှုပ်ရှား လေ့ကျင့်ခန်းများကို လူငယ် လူကြီး မရွေး ပတ်ဝန်းကျင် လမ်းမထက်မှ ပြုလုပ်နေကြတာကို တွေ့ရှိရတာဟာလည်း နံနက်ခင်းရဲ့ မင်္ဂလာရှိသော အလှတရား တခုပင် ဖြစ်ပါတယ်။
မင်္ဂလာနှင့် ပတ်သက်ပြီးတော့ လူသားတိုင်း သိကြပါလိမ့်မည်။ သို့သော် မင်္ဂလာဆိုသည့် အကြောင်းလေးကို တနည်းအားဖြင့် တတ်နိုင်သမျှ အောက်ပါအတိုင်း တင်ပြချင်ပါတယ်။
မင်္ဂလာဆိုတာ ဘာလဲ?
မင်္ဂလာဆိုတာသည် မင်္ဂံပါပံ လုနာတိ ဆိန္ဒတီတိ မင်္ဂလံ လို့ ပါဠိတော်မှာ ဆိုထားပါတယ်။
မင်္ဂံပါပံ၊ မကောင်းမှု အကုသိုလ် ဒုစရိုက်တရားတွေကို၊ လုနာတိ ဆိန္ဒတီတိ၊ မလာမကပ်အောင် တားဆီးပိတ်ပင်တတ် တားမြစ် ဖြတ်တောက်တတ်၏၊ ဣတိ တသ္မာ၊ ထို့ကြောင့်၊ မင်္ဂလံ၊ မင်္ဂလာမည်ပါပေ၏။
အဲဒီတော့ မင်္ဂလာဆိုတာ သူတစ်ပါးတွေကို တွေ့မြင်မှ ပြောကြရသည့် စကားလုံး မဟုတ်ပါဘူး။ လောက သဘောတရားအရ တယောက်ယောက်ကို မြင်တွေ့မှ နှုတ်ဆက်စကား ပြောဆိုခြင်ဖြင့် မင်္ဂလာမဖြစ်နိုင်ပါ။
မင်္ဂလာဆိုတာသည် မကောင်းမှု အကုသိုလ် ဒုစရိုက်တရားတွေကို မလာမကပ်ရအောင် တားဆီး ပိတ်ပင်တတ်သလို တားမြစ် ဖြတ်တောက်တတ်သော သဘောသတ္တိ ရှိသောကြောင့် မင်္ဂလာဟု ခေါ်ဆိုရပါတယ်။
မင်္ဂလာနှင့် ပတ်သက်ပြီး ဘုရားရှင် ကိုယ်တော်မြတ်ကြီး ဟောကြားတော်မူပါတယ်။
ကာယေန သုစရိတံ ကရောန္တိ၊ ကိုယ့်ဖြင့် ကောင်းတာတွေကို ပြုလုပ် ကျင့်သုံးကြတယ်။
ဝါစာယ သုစရိတံ စာရန္တိ၊ နှုတ်ဖြင့် ကောင်းတာတွေကို ပြောဆို ကျင့်သုံးကြတယ်။
မနသာ သုစာရိတံ စရန္တိ၊ စိတ်ဖြင့် ကောင်းတာတွေကို ကြံစည် တွေးတောကြတယ်။
ပိယော အတ္တ၊ ဒီလို ကျင့်သုံးသဖြင့် ကိုယ့် ကိုယ်ကိုလည်း ချစ်မြတ်နိုးသလို သူတစ်ပါးကိုလည်း ချစ်မြတ်နိုးရာ ရောက်ပါတယ်လို့ သံယုတ္တနိကာယ် ကောသလ သံယုတ်မှာ ဖွင့်ဆိုထားတာကို တွေ့ရှိရပါတယ်။
သမ္မာ ပရိဗ္ဗာဇနိယသုတ်မှာလည်း ဒိဋ္ဌ မင်္ဂလာ၊ သုတ မင်္ဂလာနှင့် မုတ မင်္ဂလာ ဆိုပြီး သုံးမျိုး ပြထားသည်ကို တွေ့ရှိရပါတယ်။
ဒိဋ္ဌ မင်္ဂလာ၊ နံနက် မိုးသောက် အလင်းရောက်လို့ မျက်စိနှစ်ကွင်း ပွင့်လာပြီဆိုတာနှင့် တပြိုင်နက်တည်း တနေ့တာလုံး အကောင်း အဆိုး ဒွန်တွဲပြီး ကြားနေရတဲ့ လောကကြီးထဲမှာ မိမိတို့ ကိုယ်တိုင် ကောင်းတာတွေကိုပဲ ရွေးချယ်ပြီး အမြင်ကောင်းသော အကြည့်ဖြင့် ကြည့်ရှု ကြည်နူး ဝမ်းသာ နှစ်သက်ခြင်းသည် ဒိဋ္ဌ မင်္ဂလာ ဖြစ်ပါတယ်။
သုတ မင်္ဂလာ၊ အာရုဏ်ဦး အလင်းရောက်လို့ မျက်စိနှစ်လုံးကို ပွင့်ပြီဆိုကတည်းက တနေ့တာလုံး အကောင်း အဆိုးတွေ ဒွန်တွဲနေတဲ့ လောကကြီးထဲမှာ ကောင်းသော သုတတွေကို ရွေးချယ်ပြီး မှတ်စုအဖြစ် သိမ်းဆည်း သိုမှီထားခြင်းဖြင့် နှစ်သက် ဝမ်းသာ ကြည်နူးခြင်းသည် သုတ မင်္ဂလာ ဖြစ်ပါတယ်။
မုတ မင်္ဂလာ၊ နံနက်ခင်း အာရုဏ်တတ်လို့ မျက်စိနှစ်ကွင်း အလင်းရပြီဆိုတာနှင့် တပြိုင်နက်တည်း တနေ့တာလုံး အကောင်း အဆိုးတွေ ဒွန်တွဲနေတဲ့ လောကကြီးထဲမှာ ကျန်းမာရေး ဂရုစိုက်လို့ အစားကို ဆေးအဖြစ် သုံးဆောင်သလို ကောင်းသော စားသောက်ဖွယ်တွေကို ရွေးချယ် ချက်ပြုတ်စားသောက်နိုင်ခြင်းဖြင့် နှစ်သက် ဝမ်းသာ ကြည်နူးခြင်းသည် မုတ မင်္ဂလာ ဖြစ်ပါတယ်။
ဒီနေရာမှာ ဒိဋ္ဌ မင်္ဂလာနှင့် ပတ်သက်ပြီးတော့ အလောင်းတော် မာတင်္ဂ အကြောင်းလေး ပြောဖို့ရန် လိုအပ်လာပါတယ်။
အတိတ်ဇာတ် သံသရာ ဟိုလွန်လေပြီးသောအခါတုန်းက မဟာလူသား ဖြစ်တော်မူမည့် အလောင်းတော် သတိုးသားသည် ကံအကြောင်းမသင့်လို့ ဗာရာဏသီမင်း ရွှေပြည်တွင် သူဖုန်းစား ဒွန်းစဏ္ဍာအမျိုး၌ ဖြစ်လာခဲ့ပါတယ်။ အင်မတန် ရုပ်အဆင်း အင်္ဂါဆိုးလွန်းလို့ သူ့ကို မာတင်္ဂ လို့ ခေါ်တွင်ခဲ့ပါတယ်။
မာတင်္ဂ သူဖုန်းစားကြီးသည် မြို့တွင်း ဝင်ခွင့်မရသဖြင့် မြို့ပြင် သုဿာန် တစပြင်၌ သူ စုဆောင်းထားသော အဝတ်စုတ် သားရေစုတ်လေးများကို တဲကုပ်အဖြစ် ပြုလုပ်၍ နေထိုင်ခဲ့ရပါတယ်။
သို့သော် အမျိုးအားဖြင့် ယုတ်ညံ့သော ဒွန်းစဏ္ဍား သူဖုန်းစားမျိုး၌ဖြစ်သော်လည်း ဘုရားအလောင်း ယောင်္ကျားမြတ်ဖြစ်သောကြောင့် ထင်ရှားခဲ့သလို တစ်မြို့လုံး တောင်းရမ်း စားသောက်နေသဖြင့် မာတင်္ဂဆိုလျှင် မြို့တစ်မြို့လုံးက သိကြပါတယ်။
တနေ့သောအခါ ဗာရာဏသီပြည်တွင် နက္ခတ်ပွဲသဘင် ကျင်းပသဖြင့် လူအများ လည်ပတ်သွားလာနေကြသော နေ့ကြီး အခါကြီး ရက်မြတ်ဖြစ်သဖြင့် လမ်းသရဲ အရက်သေစာ သောက်ကြူးသော လူများမှစ၍ ပုဏ္ဏား စသည် အမျိုးကြီး လေးမျိုးတို့ တိုင်အောင် မိမိတို့ ဆိုင်ရာ ဥယျာဉ်စသည်တို့ကို လှည့်လည် ပျော်ပါးသောအခါပင် ဖြစ်ပါတယ်။
မာတင်္ဂကြီးကလည်း နေ့ကြီး အခါကြီး နေ့ရက်ဖြစ်သဖြင့် အသွားအလာ များမည့်အတွက်ကြောင့် အရင်ကထက် တောင်းရမ်းခြင်းဟာ ပိုပြီးရနိုင်သည့် သဘောဖြင့် တစ်လမ်း ဝင် တစ်လမ်း ထွက် တောင်းရမ်းနေပါတယ်။
အဲဒီအချိန်မှာ ရုတ်တရက် အသက်က တစ်ဆဲ့ခြောက်နှစ် နုပျိုလှပ ရွှေနှင့် သွန်းလောင်းထားသည့်ပမာ နတ်သမီးပျိုကညာကဲ့သို့ ချောမောလှပ အမျိုးသမီး တယောက်ဖြစ်သလို အမျိုးအားဖြင့်လည်း ဗြဟ္မဏ မဟာသလာ အမျိုး၌ ဖြစ်၍ အမည်အားဖြင့် ဒိဋ္ဌမင်္ဂလိကာ ဖြစ်ပါတယ်။
ရွှေလင်ဗန်း အချင်းဆေး သူဋ္ဌေးမွေးတဲ့ သူတိုးသမီးလေး ဒိဋ္ဌမင်္ဂလိကာ အချွေအရံတွေနှင့် နေ့ကြီး အခါကြီး နက္ခတ်သဘင်ပွဲမှာ ဥယျာဉ်တွင်းမှာ ပျော်ပါးဖို့အတွက်နှင့် ကောင်းတာတွေကို မြင်ဖို့ရန်အတွက် မိမိတို့ အိမ်မှ မိဘတွေကို ခွင့်ပန်လျက် ထွက်ခွာလာခဲ့ပါတယ်။
( ဒီနေရာမှာ ဒိဋ္ဌမင်္ဂလိကာ လို့ ဘာကြောင့် ခေါ်တာလဲဆိုတာ သိဖို့ လိုအပ်လာပါတယ်။
ဒိဋ္ဌမင်္ဂလိကာဆိုတာ....
မင်္ဂလံ ဧဝ ဒိဋ္ဌုကာမတိ ဒိဋ္ဌမင်္ဂလိကာ လို့ ဖွင့်ဆိုထားပါတယ်။
မင်္ဂလံ ဧဝ၊ တင့်တယ်ဖွယ်ရာ အကြောင်းစုံရာ အထွေထွေ၌ မင်္ဂလအပေါင်း ခညောင်း၍ အာရုံကောင်းတွေကိုသာလျှင်၊ ဒိဋ္ဌုကာမ၊ ကြည်ရှု မြင်လိုလှသည်၊ ဟောတိ၊ ဖြစ်၏၊ ဣတိတသ္မာ၊ တင့်တယ်ဖွယ်ရာ အကြောင်းစုံရာ အထွေထွေတို့၌ မင်္ဂလအပေါင်း ခညောင်းဝေဆာသဖြင့် အာရုံကောင်းတွေကိုသာလျှင် ကြည်ရှုမြင်လိုလှသည့် သတ္တိကြောင့်၊ ဒိဋ္ဌမင်္ဂလိကာ၊ ဒိဋ္ဌမင်္ဂလိကာ ဟု ခေါ်ဆိုအပ်ပါသည်။
တင့်တယ်ဖွယ်ရာ အကြောင်းစုံရာ အထွေထွေတို့၌ မင်္ဂလအပေါင်း ခညောင်းဝေဆာသဖြင့် အာရုံကောင်းတွေကိုသာလျှင် ကြည့်ရှု မြင်လိုလှသူကို ဒိဋ္ဌမင်္ဂလိကာ လို့ခေါ်ပါတယ်လို့ ထိုထို ပါဠိတော်တို့တွင် ဖွင့်ဆို၍ ဝိဂြိုဟ် ဝစန ပြုလုပ်ထားသည့်ကို တွေ့ရှိပါတယ်။ )
(အလှသွေးကြွယ်ပေမဲ့ မာန်တတ်လေတဲ့ သူဋ္ဌေးသမီး ဒိဋ္ဌမင်္ဂလိကာ)
ဒီလိုနဲ့ တောင်းရမ်းနေတဲ့ မာတင်္ဂနှင့် အပျော်ခရီးထွက်လာတဲ့ ဒိဋ္ဌမင်္ဂလိကာတို့ဟာ ရည်ရွယ်ချက် မတူကြပေမဲ့ လူတွေ စည်ကားလွန်းတဲ့ အရပ်မှာ တွေ့ဆုံကြတော့ အလှမာန်တတ်နေတဲ့ ဒိဋ္ဌမင်္ဂလိကာဟာ အရွယ်က ငယ်ငယ် လှသွေးကြွယ်ပါလျက် ဒေါသပုန်ထလို့ အချွေအရံ ယောင်္ကျား အားကောင်း မောင်းသန်တွေကို ဆူပူကြိမ်းမောင်ပြီး မာတင်္ဂ သူဖုန်းစားကြီးကို မောင်းထုတ်ခိုင်းသော်လည်း ဝါရင့် သူဖုန်းကြီး ဖြစ်သည့်အတွက် အနည်းငယ် ရိုက်နှက်လို့လည်း မသွားပါပဲ ပေတေပြီး ဒိဋ္ဌမင်္ဂလိကာထံမှာ တောင်းရမ်းနေပါတယ်။ နောက်ဆုံး ဒေါသထွက်နေတဲ့ ဒိဋ္ဌမင်္ဂလိကာကို လှမ်းကြည့်မိသော အချွေအရံများက မတရား ရိုက်နှက်သဖြင့် မာတင်္ဂ သူဖုန်းကြီး သေပြီ အထင်နှင့် အမှိုက်ပုံထဲမှာ ပစ်ချခဲ့ပြီး အမှိုက်များဖြင့် ဖုန်းလွှမ်းသွားကြပါတယ်။
ဒိဋ္ဌမင်္ဂလိကာ တယောက် ဒေါသ တချောင်ချောင် ထွက်လျက် အချွေအရံတွေကို ပြောလိုက်ပါတယ်။ ဒီနေ့ဟာ သူများတွေအတွက် မင်္ဂလာရှိသော နေ့ကြီး အခါကြီး နေ့ရက်ဆိုပေမဲ့ မင်္ဂလိကာအတွက်တော့ မင်္ဂလာမရှိသော နေ့ရက်ပင်ဖြစ်သည့်အတွက် ပျော်ပါးချင်စိတ်လည်း မရှိတော့ အိမ်ကို ပြန်လှည့်ခဲ့ပါတယ်။
မာတင်္ဂကြီး သေကံမရောက်လို့ အမှိုက်ပုံထဲမှာ လူးလဲကာ သတိရပြီး ပြန်ထလာသောအခါ...
လူအများ သက်ဆိုင်သော လမ်းမှာ တောင်းရမ်းနေတာကို ဒိဋ္ဌမင်္ဂလိကာ အကြောင်းမဲ့ ငါ့ကို နှိပ်စက် ညှင်းပန်း အမှိုက်ပုံထဲ သေပြီ အထင်နှင့် ပစ်ထားခဲ့ပါလား။
မင်းရဲ့ ရုပ်ရည် အဆင်း ရူပကာယနှင့် မလိုက်အောင် ဒေါသ မာန်စောင်းထက်ခြင်း ကြွယ်ဝမှု အမျိုးဂုဏ်မောက်ခြင်းတွေက လွန်လှပါလား။
ဒီစကြာဝဠာ ဒီလောကကြီးထဲမှာ မင်္ဂလာရှိသည် ထင်မှတ်ထားသည့် ကျက်သရေရှိသော လူတချို့ဟာ ဥပဒေမဲ့ လုပ်ခဲ့ချေပြီ။ မင်္ဂလာမရှိဟု ထင်မှတ်ထားသော အရာတို့သည် မင်္ဂလာ ရှိသည့်ထက် များပြားလွန်းလှချေပြီ။
ထို့အတူ ဒိဋ္ဌမင်္ဂလိကာ၏ လောကဓမ္မတာ လွန်ကဲသော မာနတံခွန်ဟာ မြင့်မိုရ်တောင်ထက်မက လွန်ကဲလှချေပြီ။
သူဖုန်းစား မာတင်္ဂဆိုတဲ့ လူယောက်ရဲ့ အစွမ်းကို သိစေရမည်။
အမျိုးမြတ် အထက်တန်းကျပြီး ဗြဟ္မဏဇာတ်ရှိန်တတ်နေတဲ့ ဒိဋ္ဌမင်္ဂလိကာကို ငါ့၏ ခြေဖဝါးအောက် ရောက်စေရမည်။ အင်မတန် ထက်လှတဲ့ ဒိဋ္ဌမင်္ဂလိကာရဲ့ မာန်စွယ်ကို အလွယ်တကူ မြွေစွယ် ကျိုးသကဲ့သို့ ကျိုးစေရမည်။
သူဖုန်းစားကြီး မာတင်္ဂ တယောက်တည်း တွေးတော ကြံစည်ပြီးလျှင် ထုထောင်းခံခဲ့ရသည့် ဒဏ်ရာ ဒဏ်ချက်များကို အမှုမထား နေ့စဉ်လုပ်နေကြ တောင်းရမ်းခြင်းကိစ္စကို လက်မှ ကိုင်ထားသော တောင်းဝှေးကို အမှီပြု၍ လမ်းတလျှောက် ပြန်လည် တောင်းရမ်းပြန်ပါတယ်။
သူ့ကို ရိုက်နှက်သွားသော ဒိဋ္ဌမင်္ဂလိကာ၏ အကြောင်းကိုလည်း လမ်းတလျှောက်လုံး အော်ဟစ် ကြိမ်းဝါးသွားပြန်တယ်။ နာကျင်မှုတွေ များလာလေလေ အော်ဟစ်သံက ကျယ်လောင်လာ လေလေနှင့် သွားရင်း လာရင်း တောင်းရမ်းနေလျက်မှာပင် ဒိဋ္ဌမင်္ဂလိကာ၏ အိမ်နားသို့ ရောက်သွားခဲ့ပါတယ်။
ဒိဋ္ဌမင်္ဂလိကာ၏ အိမ်ရှေ့သို့ ရောက်သွားသေအခါ မာတင်္ဂကြီးက ဒိဋ္ဌမင်္ဂလိကာကို မရလျှင် ဤနေရာမှ မထတော့ဘူးလို့ သံဓိဋ္ဌာန်ချမှတ်၍ အိမ်တံခါးဝမှာ ကန့်လန့်ဖြတ် အိပ်နေလိုက်ပါတယ်။
အိမ်ထဲက သူဋ္ဌေးကတော်ကြီးက မာတင်္ဂကြီး အိမ်ရှေ့တံခါးဝမှာ အိပ်နေသည်ကို သိသောအခါ ကျေးကျွန်းများကို အနည်းငယ် ပစ္စည်းများကို ပေးလိုက်ပြီး၍ သူဖုန်းစားကြီးကို ထုတ်သွားရန် ပြောခိုင်းလိုက်ပါတယ်။
သို့သော် သူဖုန်းစားကြီး မာတင်္ဂ တယောက်ကတော့ မည်ကဲ့သို့သော ပစ္စည်းတွေ ပေးပေး မယူပါပဲ အိပ်မြဲတိုင်း အိပ်၍ သူဋ္ဌေးသမီး ဒိဋ္ဌမင်္ဂလိကာကို မရလျှင် မထဟု ပြန်ပြောလိုက်ပါတယ်။
ဒိဋ္ဌမင်္ဂလိကာကို ရမှ ပြန်မည်ဆိုတာကို ကြားသောအခါ ကျေးကျွန်များက လက်ခုတ်လက်ဝါးတီး၍ ရယ်မော ဟားတိုက်ကြပါတယ်။
မဖြစ်နိုင်တဲ့ တောင် အထွဋ်ကို မင်းတတ်လို့ ရမှာ မဟုတ်ဘူး...
လမ်းဘေးက လူတယောက် တိုက်အထက်က မီးရောင်အောက်ကို ရောက်ဖို့ဆိုပြီး မင်း စိတ်ကူးယဉ်တာ ယဉ်ယဉ်လေးနှင့် ရှုးနေတာလား ဆိုတဲ့ အလွှာ တခုက ခုံမင်နေတဲ့ မာနသံတွေကို နားခါးအောင် ကြားရသော်လည်း မတုန် မလှုပ်လျက် နေမြဲတိုင်း လဲလျောင်းနေပါတယ်။
ကျေးကျွန်အချို့က သူဋ္ဌေးကတော်ကို ပြန်လည် ပြောကြပါတယ်။ ထိုအကြောင်းကို သိသော သူဋ္ဌေးကတော်ကလည်း ကျေးကျွန်များကို ထပ်၍ ပစ္စည်း ဥစ္စာများကို မည်သို့ပင် သူဖုန်းစားကြီးကို ပေးခိုင်းပါသော်လည်း မရချေ။
မာတင်္ဂ သူဖုန်းစားကြီးကလည်း ပစ္စည်း ဥစ္စာတွေ မည်မျှပင် ပေးပေး ငါ ယူလိမ့်မည်မဟုတ်၊ ဒိဋ္ဌမင်္ဂလိကာမှ မရလျှင် သင်တို့၏ မင်္ဂလာရှိသော တံခါးဝသည် ငါ၏ သင်္ချိုင်း ဖြစ်ပေမည်ဟု ပြန်လည် ပြောဆိုလိုက်ပါတယ်။
ထို့နောက် သူဋ္ဌေးကြီး ကိုယ်တိုင် ကြားသောအခါ ပစ္စည်း ဥစ္စာတွေ ထပ်မံ၍ ပေးပြန်သည်။ မာတင်္ဂကြီးသည် ဤမျှသော ပစ္စည်း ဥစ္စာတွေကို မယူသည့်အပြင် ပြန်လည်၍ ပြောဆိုလိုက်ပါတယ်။
ငါ၏ တောင်းရမ်းနေသော ခွက်သည် သူဋ္ဌေးကြီးတို့ ချမ်းသာသော ပစ္စည်း ဥစ္စာကို ရနိုင်ပါတယ်။ ဒါကြောင့် ငါသည် ဒိဋ္ဌမင်္ဂလိကာမှ လွဲ၍ မည်သည့်အရာကိုမျှ ယူလိမ့်မည် မဟုတ်ဟု ပြောဆိုပြီး ပြန်လည် လဲလျောင်းသွားပြန်တယ်။
မာတင်္ဂကြီး ပြုလုပ်မှုတွေကို အချို့သော လူတွေကလည်း အားပေးကြပါတယ်။ ထို့အတွက်ကြောင့်လည်း သူဋ္ဌေးအိမ်မှာ နေကြသော ကျေးကျွန်များနှင့် မိသားစုများက ညှင်းပန်း နှိက်စက်ခြင်းကို မပြုလုပ်ရဲကြပါ။
ဒီနေရာမှာ ယောင်္ကျားတို့ ဇွဲ ကျားကုတ် ကျားခဲ မရရင် မလဲ ဇွဲနပဲနှင့် အားထုတ်တတ်သည်ကို အဋ္ဌာကထာမှ ဖွင့်ဆိုထားသည်ကို တွေ့ရှိသဖြင့် ဤနေရာမှာ တင်ပြချင်ပါတယ်။
ပုရိသာနာမ အနေကာနိပိ သံဝစ္ဆာရာနိ ဝီရိယံ ကတွာ ဣစ္ဆိတတ္ထံ ပါပုဏန္တိ။
ပုရိသာနာမ၊ ယောင်္ကျားတို့ မည်သည်၊ အနေကာနိပိသံဝစ္ဆာရာနိ၊ နှစ်ပေါင်းများစွာတို့ ကာလပတ်လုံး၊ ဝီရိယံ၊ မတွန့်မဆုတ် ကြိုးစားအားထုတ်ခြင်း ဝီရိယကို၊ ကတွာ၊ မဆုတ်မနစ် ဇွဲအား သန်သန် ကြံဖန်ကြိုးပမ်း အားထုတ်ခဲ့သည်ရှိသော်၊ ဣစ္ဆိတတ္ထံ၊ လိုလား တောင်းတအပ်သော လိုရပန်းတိုင် ဖြစ်သော အကျိုးအမှန်သို့၊ ပါပုဏန္တိ၊ ဆိုက်ဆိုက် မြိုက်မြိုက် ရောက်ကြကုန်၏။
ယောင်္ကျားကောင်းတို့မည်သည် နှစ်ပေါင်းများစွာတို့ ကာလပတ်လုံး မတွန်းမဆုတ် ကြိုးစား အားထုတ်ခြင်း ဝီရိယကို မဆုတ်မနစ် ဇွဲအား သန်သန် ကြံဖန်ကြိုးပမ်း အားထုတ်ခဲ့သည်ရှိသော် လိုလာ တောင်းတအပ်သော လိုရပန်းတိုင် ဖြစ်သော အကျိုးမှန်သို့ ဆိုက်ဆိုက် မြိုက်မြိုက် ရောက်နိုင်ကြကုန်လို့ အဋ္ဌာကထာ ဆရာများက မိန့်ဆိုထားခဲ့တာကိုလည်း တွေ့ရှိရပါတယ်။
အခုလည်း မာတင်္ဂကြီး အိပ်မြဲတိုင်း တံခါးဝကို ကန့်လန့်ဖြတ်၍ အိပ်နေပါတယ်။ ဇွဲသန်သန် ထက်သန်သော စိတ်ဖြင့် သူလိုချင်သော ပန်းတိုင်ကို စောင့်မျှော်ရင်း နေမြဲတိုင်း မလှုပ်မရပ် နေလျက်ပင် ဖြစ်ပါတယ်။
မာနပန်းပွင့်တို့ ကြွေကျပြီ
အချိန်အားဖြင့် နေဝင်ကျော်လို့ အမှောင်သန်းနေသော ညနက်ထဲတွင် သူဋ္ဌေးကတော်ကြီးက အခင်းလေးများ ယူဆောင်လျက် မာတင်္ဂကြီးအား ခင်းကျင်းပေးပြီး သမီးဖြစ်သူ မှားခဲ့သော အကြောင်းများကို သိရှိ၍ အကြိမ်ကြိမ် တောင်းပန်သော်လည်း မာတင်္ဂကြီးကတော့ မလှုပ်မယှက် အိပ်မြဲတိုင်း အိပ်လျက် နေပါတယ်။
ထို့နောက် ခြောက်ရက် မြောက်လာသောအခါ မာတင်္ဂကြီး အစာမစား ရေမသောက်နှင့် အင်အားကုန်ခမ်းနေသလို မျက်လုံးများကလည်း ဖွင့်လို့မရအောင်ဖြစ်နေရှာပါတယ်။ ထိုအချိန်မှာ ဒိဋ္ဌမင်္ဂလိကာလည်း မာနကို ခဝါလို့ အဝတ်အစားများ လဲပြီး မာတင်္ဂ အနားသို့ ကပ်၍ အရှင် ထပါ ဟု သာယာသော အသံဖြင့် ပြောလိုက်ပါတယ်။
မာတင်္ဂကြီးကလည်း ဒိဋ္ဌမင်္ဂလိကာကို စေ့စေ့ကြည့်ပြီးမှ...
အင်း...သူသည် ငါနှင့် ထိုက်တန်သော သူမဟုတ်ချေ။ သို့သော် ဒိဋ္ဌမင်္ဂလိကာကို စမ်းသပ်ဦးမှ ဖြစ်မည်ဆိုပြီး အရင်တုန်းက ရရှိခဲ့သော ဒဏ်ရာ ဒဏ်ချက်တွေ ရှိသည့်အကြောင်းနှင့် ခြောက်ရက်တာ မစာမစား မသောက်ပဲ နေရသည့်အတွက် အင်းအား မရှိသဖြင့် ငါ့ကို တွဲ၍ ထူပေးပါ ဟု ပြောလိုက်ပါတယ်။
ဒိဋ္ဌမင်္ဂလိကာလေးကလည်း နှစ်ပေါင်းများ နေထိုင်ပြီး လမ်းတကာလှည့်၍ တောင်းရမ်းနေသော အကြင် လင်မယားကဲ့သို့ မရှက်မရွံ့ တွဲကူပေးရှာပါတယ်။
ပတ်ဝန်းကျင်မှ လာကြည့်ကြသော လူတွေကလည်း ဒိဋ္ဌမင်္ဂလိကာလေးကို သနားသွားကြပါတယ်။ အချို့ကလည်း ဒိဋ္ဌမင်္ဂလိကာသည် အင်မတန် မောက်မာသော မာနကြီးသူ တယောက်ဟု ထင်ခဲ့ကြသော်လည်း မျက်မြင် ကိုယ်တွေ့မှာ မတူညီသော ကရုဏာတွေကို တွေ့မိပြန်တော့ ချီးမွှန်းသံ မဆုံးအောင် ဖြစ်ကြပါတယ်။
ထို့နောက် မြို့ပြင်ရောက်လို့ တစ်ဆဲ့ငါးရက်ကြာသော်အခါ မာတင်္ဂကြီး အင်အားတွေ ပြည့်ဝလို့ လန်းဆန်းပြီးဖြစ်သလို ဒိဋ္ဌမင်္ဂလိကာကလည်း မယားဝတ္တရား ကျေပွန်စွာ ပြုစုလုပ်သဖြင့် အရင်က အထင်ထက် လက်တွေ့ အတူနေထိုင်ကြည့်သောအခါမှ တယောက်အကြောင်း တယောက်သိလာကြပါတယ်။
ထိုအခါ မာတင်္ဂကြီးသည်လည်း မိန်းမကောင်း တယောက် ငါအတွက်နှင့် မပျက်စီးသင့်ချေဘူး ဟု စဉ်းစား သုံးသပ်လျက် ဒိဋ္ဌမင်္ဂလိကာကို ခွင့်ပန်၍ တောထွက်တော်မူခဲ့ပါတယ်။
နောက်ဆုံး ဘုရားအလောင်း မာတင်္ဂ သူဖုန်းစား ဘဝမှ အလောင်းတော် မာတင်္ဂ ဈာန်ပျံ ရသေ့ဖြစ်၍ ဒိဋ္ဌမင်္ဂလိကာကို ချီးမြှောက်ခဲ့ပါတယ်။
ဒီနေရာမှာ ဒိဋ္ဌ မင်္ဂလာကို အဓိကထားပြီး ပေါ်လင်အောင် ရေးသားခြင်း ဖြစ်ပါတယ်။ အသေးစိတ်အားဖြင့် မာတင်္ဂဇာတ်မှာ ပြန်လည် ကြည့်နိုင်ပါတယ်။
အားလုံးသော သူတော်ကောင်းအပေါင်းတို့လည်း ဇာတ်တော်လာ သင်္ခန်းစာများကို ရရှိပြီး ကျန်းမာ ချမ်းသာ၍ ဒိဋ္ဌ မင်္ဂလာတို့နှင့် ပြည့်စုံနိုင်ကြပါစေ...။
သုတ မင်္ဂလာနှင့် ဆိုင်ရာ ဇာတ်တော် ဥပမာ သာဓက ကောင်းများကို
ဆက်ရန်ရှိသည်
အပိုင်း (၂) ကို မျှော်
တက္ကသိုလ်မြတ်မင်း
http://www.venpunnavamsa2.com
No comments:
Post a Comment