ဒေါ်အောင်ဆန်းစုကြည် ဒုတိယ သမ္မတ အရည်အချင်းနှင့် ပြည့်စုံလာနိုင်စေမဲ့ နည်းလမ်းတစ်ခု

ဒေါ်အောင်ဆန်းစုကြည် ဒုတိယ သမ္မတ အရည်အချင်းနှင့် ပြည့်စုံလာနိုင်စေမဲ့ နည်းလမ်းတစ်ခု

by ခွန် ဒီးယမ်



နိုင်ငံတော် သမ္မတနှင့် ဒုတိယ သမ္မတ များ ၏ အရည်အချင်းများကို လေ့လာကြည့်ရအောင်... ၂၀၀၈ အခြေခံဥပဒေရဲ့ ပြဌာန်းချက်ထဲက အပိုဒ် ၅၉။ထဲမှာ ဖော်ပြထားပါတယ်....

၅၉။ နိုင်ငံတော် သမ္မတနှင့် ဒုတိယသမ္မတများ၏ အရည်အချင်းများမှာ အောက်ပါ အတိုင်း ဖြစ်သည်-

(က) နိုင်ငံတော်နှင့် နိုင်ငံသားများ အပေါ် သစ္စာရှိသူ ဖြစ်ရမည်၊

(ခ မိမိနှင့် မိမိ၏မိဘနှစ်ပါးလုံး နိုင်ငံတော်၏အာဏာ ပိုင်နက်အတွင်း၌ မွေးဖွားသော

တိုင်းရင်းသားမှ ဖြစ်သည့် မြန်မာနိုင်ငံသား ဖြစ်ရမည်၊

(ဂ ) ရွေးချယ်တင်မြှောက်ခံရသူသည် အနည်းဆုံး အသက် ၄၅ နှစ်ပြည့်ပြီးသူ ဖြစ်ရမည်၊

(ဃ) နိုင်ငံတော် အရေးအရာများ ဖြစ်သော နိုင်ငံရေး၊ အုပ်ချုပ်ရေး၊ စီးပွားရေး စစ်ရေး စသည့် အမြင်များ

ရှိရမည်၊

(င ) သမ္မတအဖြစ် ရွေးချယ်တင်မြှောက်ခံရသည့် အချိန်နှင့် တစ်ဆက်တည်း အနည်းဆုံး အနှစ်၂၀

နိုင်ငံတော်တွင် အခြေချနေထိုင်ခဲ့သူ ဖြစ်ရမည်၊

ခြွင်းချက်။ နိုင်ငံတော်၏ ခွင့်ပြုချက်ဖြင့် နိုင်ငံခြားသို့ တရားဝင် သွားရောက်သည့် ကာလများကိုလည်း နိုင်ငံတော်တွင် အခြေချ နေထိုင်ခဲ့သည့် ကာလအဖြစ် ထည့်သွင်းရေးတွက်ရမည်၊

(စ ) မိမိကိုယ်တိုင် သော်လည်းကောင်း၊ မိမိ၏မိဘ တစ်ပါးပါး သော်လည်းကောင်း၊ မိမိ၏ဇနီး သို့မဟုတ် ခင်ပွန်းသော်လည်း ကောင်း၊မိမိ၏ တရားဝင် သားသမီး တစ်ဦးဦးသော်လည်းကောင်း၊ ထိုတရားဝင် သားသမီး တစ်ဦးဦး၏ ဇနီး သို့မဟုတ် ခင်ပွန်းသော်လည်းကောင်း နိုင်ငံခြား အစိုးရ ၏ ကျေးဇူး

သစ္စာတော်ကို ခံယူစောင့်ရှောက် ရိုသေသူ သို့မဟုတ် နိုင်ငံခြား အစိုးရ၏ လက်အောက်ခံ ဖြစ်သူ

သို့မဟုတ် တိုင်းတစ်ပါး၏ နိုင်ငံခြား ဖြစ်သူများ မဖြစ်စေရ၊ ထိုသူများသည် နိုင်ငံခြား အစိုးရ၏

လက်အောက်ခံ ဖြစ်သူသော်လည်းကောင်း တိုင်းတစ်ပါး၏ နိုင်ငံသား သော်လည်းကောင်း

ခံစားရသော အခွင့်အရေး များနှင့် ကျေးဇူးခံစားခွင့်များကို ခံစားနိုင်ခွင့်ရှိသူများ မဖြစ်စေရ၊

ဆိုပြီးပါရှိပါတယ်... အဲဒီ အထဲမှာ ဒေါ်စုနဲ့ ဘယ်အချက် ငြိနိုင်ပါသလဲ... (က)၊(ခ)၊(ဂ) တို့ ညီညွှတ်တယ်ထားပါ...

(ဃ)မှာရော ကြည့်ရအောင်ပါ (ဃ)မှာ ပြောထားတာက ( နိုင်ငံတော် အရေးအရာများ ဖြစ်သော နိုင်ငံရေး၊ အုပ်ချုပ်ရေး၊ စီးပွားရေး စစ်ရေး စသည့် အမြင်များ ရှိရမည်၊) လို့ ပြောထားတာပါ ။ ဒါကို တခြားသူတွေက စစ်တပ်က လူတွေပဲ အုပ်ချုပ်ရအောင်လို့ ဒီလို သတ်မှတ်ထားတယ်လို့ တဖက်သတ် ပြောကြပါတယ်... ဒါက မဟုတ်ပါဘူး... ဘာလို့လဲ ဆိုရင် စစ်ရေး အမြင်ရှိရမယ် ဆိုတာနဲ့ စစ်တပ်ကလူပဲ အုပ်ချုပ်ရမယ်လို့ မဟုတ်ပါဘူး၊ အဲလိုကျတော့ ယူဆကြပြီး စီးပွားရေး အမြင်ရှိရမယ် ဆိုတဲ့ ဟာကျတော့ စီးပွားရေးသမားလဲ ဖြစ်ရမယ်လို့ မယူဆကြဘူး... အမြင်ပဲ ရှိရမှာပါ... စစ်မှုထမ်းဖူးတဲ့သူ၊ စီးပွားရေး သမား (စီးပွားရေးလုပ်ဖူးတဲ့သူ) သူများရယ်လို့ မဟုတ်ပါဘူး... နိုင်ငံရေး၊ အုပ်ချုပ်ရေး၊ စီးပွားရေး စစ်ရေး အမြင်ရှိသူ မည်သူမဆို ဒီအချက်လေးနဲ့ ညီညွှတ်ပါတယ်... ပြောရမယ်ဆိုရင် ဒေါ်စု အနေနဲ့ ခက်ခဲတဲ့ အတားအဆီမဟုတ်ပါဘူး သူ့မှာ အမြင်ရှိရင် ရပါတယ်....

(င) မှာလည်း ဒေါ်စုနဲ့ ညီညွှတ်ပါတယ်...

(စ) မှာတော့ မညီညွှတ်တော့ပါဘူး...



ဒီအချက်မှာ ဒေါ်စု အဓိကနဲ့ အကြီးမားဆုံး ငြိမယ့် အချက်ပါပဲ...



အချက် ( စ ) နဲ့ပက်သက်ပြီး ထွက်ပေါက်တစ်ခု ရှိပါတယ် ။ ဒေါ်စုဟာ လက်ရှိမှာ အိမ်ထောင်သည်တစ်ယောက် မဟုတ်တော့ပါဘူး ။ မုဆိုးမတစ်ယောက်သာဖြစ်တယ် ။ ဒေါ်စုရဲ့ အမျိုးသား မိုက်ကယ် အဲရစ်ဟာ သေဆုံးသွားတာပင် ၁၃နှစ်လောက်ရှိပြီ ဖြစ်တဲ့အတွက်ကြောင့် ဒီအချက်ဟာ အကျုံးမဝင်တော့ပါဘူး ။ ဆိုတော့ သားနှစ်ရောက်အရေးက ကျန်တယ် ။ ဒီအတွက်လဲ ထွက်ပေါက်ရှိပါတယ် ။ တစ်ခါတုန်းက မြန်မာထိပ်တန်း ဘိုချုပ်ကြီးတစ်ယောက်ရဲ့ သား စင်္ကာပူမတစ်ယောက်နဲ့ ယူသွားတုန်းက ဖြေရှင်းနည်းမျိုးကို အတုယူပြီး သား၂ယောက်လုံးကို အမွေစားအမွေခံ သားအဖြစ်မှ စွန့်လွှတ်ကြောင်း ကျေညာလိုက်ရင် ဒီအချက်( စ ) ကိုလဲ ကျော်လွှားသွားနိုင်ပါလိမ့်မယ် ။ မကျေညာလဲ ဒီသား၂ယောက်လုံးက ဒီအမေဆီက ဘာမှ ရယူဖို့ မျှော်လင့်မထားကြတာ သေချာပြီးသားပဲ ။ တော်တော်ကြီးစဉ်းစား အဖြေထုတ်ထားရတဲ့ နည်းထူးတစ်ခု မဟုတ်ဘူးဆိုတာ သဘောသဘောပေါက်ပါတယ် ။ အရမ်းရိုးစင်းလွန်းပါတယ် ။ ပြီးတော့ မြန်မာပြည်အတွက် အများကြီးပေးဆပ်ထားပြီးသား ဒေါ်အောင်ဆန်းစုကြည်ကို ဒီထပ်ပိုပြီး ဘာမှ မနစ်နာစေချင်တော့ပေမဲ့ နည်းလမ်းတစ်ခု အကြံပေး ကြည့်ခြင်းသာဖြစ်ပါတယ် ။


LWIN PWIN
NLABR
Web-site: www.nlabr.com
Blog: http://wanna23-23.blogspot.com/