Saturday, November 16, 2013

သာမညဖလ အခါတော်နေ့ရဲ့ ဆေးပေါင်းခတဲ့ ည တန်ဆောင်တိုင်


သာမညဖလ အခါတော်နေ့ရဲ့ ဆေးပေါင်းခတဲ့ ည တန်ဆောင်တိုင်


မနေ့က ညနေစောင်း ဆည်းဆာက သီရိလင်္ကာနိုင်ငံ ကိုလံဘိုမြို့ ဝန်းကျင်ကို အလှဆောင် နေပါတယ်။ ဒီနေ့တော့ သီရိလင်္ကာရဲ့ နံနက်ခင်း နေရောင်ခြည်က တောက်ပလျက်ရှိနေပါတယ်။ စာရေးသူ၏ ကလောင်သွားများကလည်း လှုပ်ရှားအသက်ဝင်လျက် တန်ဆောင်းမုန်း လပြည့်နေ့ အကြောင်းလေးတွေကို ရေးသားနေခြင်း ဖြစ်ပါတယ်..။

အဘယ်ကြောင့်လည်းဆိုတော့ မြတ်ဗုဒ္ဓ ဟောကြားတော်မူသော တရားတော်ကြောင့် အယူမှားမှုမှ အယူမှန်လာသော အဇာတသတ်မင်းကြီး အကြောင်းကို ဗုဒ္ဓဘာသာဝင်တွေ အနေနဲ့ နှစ်တွေ လတွေ ဘယ်လိုပင် ပြောင်းလွဲလာပေမဲ့ ဗုဒ္ဓဘာသာ၏ အထိမ်းမှတ် နေ့ထူးတွေကိုတော့ ဗုဒ္ဓဘာသာဝင်တွေ အနေနဲ့ သတိပြုမိမည်မှာ မလွဲပါ။

ယခုအခါ သာသနာနှစ် ၂၅၅၇ ခုနှစ်၊ ကောဇာသက္ကရာဇ် ၁၃၇၅ ခုနှစ်၊ ခရစ်နှစ် ၂၀၁၃ ခုနှစ်၏ တန်ဆောင်မုန်းလပြည့်နေ့သည် သာမညဖလ အခါတော်နေ့ ဖြစ်ပါတယ်။


သာမညသည် သမဏ၏အဖြစ် ရသေ့၊ ရဟန်း ပြုလုပ်ခြင်း၏ အဖြစ်ဟု အဓိပ္ပါယ်ရ၍ ဖလသည် အကျိုးကျေးဇူးဟု အဓိပ္ပါယ်ရရှိပါတယ်။ ထို့ကြောင့် သာမညဖလ ဟူသည်မှာ ရသေ့၊ ရဟန်း ပြုလုပ်ရခြင်း၏ အကျိုးကျေးဇူး ဟု အဓိပ္ပါယ်ဖွင့် ဆိုရပါသည်။

ထို့အပြင် တန်ဆောင်မုန်းလသည် မြန်မာတို့၏ (၁၂) လ ရာသီတွင် ရှစ်ခုမြောက် လ ပင်ဖြစ်ပါတယ်။ မိုးလေ ကင်းစင်၍ နက္ခတ် တာရာစုံ ထွန်းပသော လ လည်းဖြစ်ပါတယ်။

ပင်းယခေတ် စာဆိုတော် စတုရင်္ဂဗလအမတ်ကြီးက ''သရဒံတု ကာလာနံ'' အချိန်အခါနေ့တွင် တန်ဆောင်မုန်းလသည် သာယာ လှပဆုံး အချိန်အခါဖြစ်သည်ဟု ဖွဲ့ဆိုခဲ့သည်ကိုလည်း တွေ့ရှိရပါတယ်။

မြတ်စွာဘုရားရှင်သည် သာမညဖလသုတ်တော် ဟောကြားတော်မူခြင်းကို အကြောင်းပြု၍ တန်ဆောင်မုန်းလပြည့်နေ့ကို ဗုဒ္ဓဘာသာဝင်များက ကြည်ညိုလေးစားသဖြင့် သာမညဖလအခါတော်နေ့ဟူ၍ သတ်မှတ်ခဲ့သည်။ ဗုဒ္ဓဘာသာဝင်တို့သည်လည်း တန်ဆောင်မုန်းလပြည့်နေ့ အခါသမယတွင် သာမညဖလတရားတော်ကို နာကြားပူဇော်လေ့ရှိကြသည်။

အခါတစ်ပါး၌ ဂေါတမ ဗုဒ္ဓမြတ်စွာဘုရားရှင်သည် (၁၂၅၀) တစ်ထောင့်နှစ်ရာ့ငါးကျိပ်ရှိသော ရဟန်းတို့နှင့်အတူ ရာဇဂြိုလ်မြို့ အဘယမင်းသား၏ မွေးစားသားဖြစ်သော သမားတော်ကြီး ဆရာဇီဝက၏ သရက်ဥယျာဉ် ကျောင်းတိုက်၌ သီတင်းသုံး နေတော်မူပါတယ်။

ထိုအခါ အတိတ်ကာလက အမှားတွေ ဗလာပွနဲ့ တိုင်းပြည်အုပ်ချုပ် မင်းလုပ်နေသော မာဂဓတိုင်းဘုရင် အဇာတသတ်သည် သူယုတ်မာ ဆရာဒေ၀ဒတ်စကားကို လိုက်နာ၍ သောတပန် အရိယာနွယ်ဝင်ဖြစ်သော ခမည်းတော် ဗိမ္မိသာရ မင်းကြီးကို ခြေဖ၀ါးဓားနဲ့ ခွဲ၊ ဆားနှင့်သိပ်ပြီး မသေ သေအောင် သတ်ခဲ့သည့် နောင်တတွေနှင့် သူ၏ သားတော် ဥဒယဘဒ္ဒ ဖွားမြင်သည့်နေ့တွင် မိဘကျေးဇူးကို စတင်သိခဲ့ရပြီး သူ၏ မိုက်ပြစ်ကို နောင်တကြီးစွာ ရခဲ့လေသည်။ သူ၏ ဆရာဖြစ်သော ဒေ၀ဒတ်လည်း မြတ်စွာဘုရားရှင်အား ပြစ်မှား လုပ်ကြံပြီးနောက် မြေမျိုခံခဲ့ရပြီ ဖြစ်သည်။ အဲဒီအချိန်မှစပြီး အဇာတသတ်၏ စိတ်အစဉ်သည် အတိတ်ကာလဆီက ပြုခဲ့သော အကုသိုလ်ကံ၏ အရိပ်နိမိတ်တို့က သူ့အား အချိန်ရှိတိုင်း ခြောက်လှန့်၍နေတယ်။

တနေ့ အဇာတသတ်မင်းသည် မူးမတ် ပေါင်းစုံလင်စွာဖြင့် ညီလာခံသဘင် ကျင်းပနေပါတယ်။ ညီလာခံကျင်းပရာတွင်လည်း အဇာတသတ်က အကုသိုလ် နိမိတ်များ ဖြစ်လာသည့် အကြောင်းကိုသာ တင်ပြလာသည်။ အခြားသော မှူးမတ်တို့က တိတ္ထိဆရာကြီး ခြောက်ယောက်ရှိသည့် အကြောင်းကို တင်ပြကြပါတယ်။ သို့သော် ဆရာဇီဝကက တစ်စုံတခုမှ ပြန်မပြောပဲ ဆိတ်ဆိတ်နေသည်ကို အဇာတသတ်ကြီးက လှမ်းကြည်၍ မေးလိုက်သဖြင့် ဆရာဇီဝကက အဇာတသတ်၏ အကုသိုလ်များ ဖြေဖျောက်နိုင်ရန် အလိုငှာ ဇေတဝန သရက်ဥယျာဉ်မှာ မြတ်စွာဘုရား သီတင်းသုံးတော်မူသည်ကို လျှောက်တင်လိုက်ပါတယ်။ ဆရာဇီဝက၏ လျှောက်တင်ချက်အတိုင်း လက်ခံပြီး မြတ်စွာဘုရား သီတင်းသုံးတော်မူရာ ဇေတဝန သရက်ဥယျာဉ်ကျောင်းတိုက်သို့ မှုးမတ်ဗိုလ်ပါ အခြံအရံများစွာခေါ်၍ သွားလေ၏။

အဇာတသတ်မင်းကြီးသည် စစ်သည်ဗိုလ်ပါတွေနှင့် ခရီးဆက်လာရင်း ဆီးနှင်း၊ မြူတိမ် သူရိန် ၊ မီးခိုး ညစ်မျိုး ငါးဝကင်းစင်ပပြီး ကြည်နူးသာယာ ဘွယ်ကောင်းတဲ့ တန်ဆောင်မုန်းလပြည့် ညရဲ့ အလှအပကို ကြည့်ပြီးသော်အခါ.............

၁။ ရမဏီယာ ဝတ= မွေ့လျော်ဖွယ်ကောင်းသော ညပါတကား။ (သြော် တကယ့်ကို ပျော်မွေ့စရာကောင်းသော ညပါလား)

၂။ အဘိရူပါ ဝတ= အလွန်လှပသော ညပါတကား။ (သြော် တကယ့်ကို လှပသော ညပါလား)

၃။ ဒဿနီယာ ဝတ = ရှုဖွယ်ကောင်းသောညပါတကား။ (သြော် ကြည့်မှုဖွယ် ကောင်းသော ညပါလား)

၎။ ပါသာဒိကာ ဝတ=ကြည်လင် ရွှန်းပသော ညပါတကား။ (သြော် စိတ်ကို ကြည်လင်စေသော ညပါလား)

၅။ လက္ခညာ ဝတ= မေ့မရနိုင်သောညပါတကား။ (သြော် မမေ့နိုင်သော ညပါလား)

လို့ မှူးမတ် အပေါင်း ခြံရံသည့်ကြားက အဇာတသတ် မင်းသားက အထက်ပါ စကားငါးခွန်းနဲ့ ချီးမွမ်းနေပါတယ်။

မည်သို့ပင် ချီးမွှန်းပါသော်လည်း အဇာတသတ်မင်းကြီးဟာ အဖေကို သတ်မိတဲ့ သောကတွေနှင့် မိမိပြုလုပ်မိတဲ့ အကုသိုလ်ကံကြောင့် အလွန် ကြည်နူးသာယာ ဖွယ်ကောင်းတဲ့ တန်ဆောင်မုန်း လပြည့်ညရဲ့ အလှအပကို မခံစားနိုင်ပဲ ဖြစ်နေပါတယ်။ ညရဲ့ အမှောင်ကလည်း တဖြေးဖြေး ကြီးစိုးလာပါတယ်။ အဇာတသတ်မင်းကြီးကလည်း ဆရာဇီဝက "ငါ့ကို လုပ်ကြံမှာလား" ဒွိဟ စိတ်တွေ ဝင်လာသလို အတွေး အိမ်ထဲမှာ ကြောက်စိတ်တွေကလည်း တဖြေးဖြေး ကြီးစိုးနေပါတယ်။ မှူးမတ် ဗိုလ်ပါတွေကလည်း မီးတုတ်လေးများ ကိုယ်စီ ကိုင်ဆောင်လျက် တရွေ့ရွေ့ လျှောက်လှမ်းနေပါတယ်။ ဆီးမီးတန်းများက ညရဲ့ အလှကို တန်ဆာဆင်နေသလို ကောင်းကင်က ငွေစန္ဒာ လမင်းကြီးနှင့် ကြယ်တွေကလည်း အလှတန်ဆာဆင်ပါတယ်။

မကြာမှီ မြတ်စွာဘုရား သီတင်းသုံးတော်မူသော ဇေတဝန သရက်ဥယျာဉ်ကို ရောက်သွားလေသည်။ အဇာတသတ်မင်းကြီးသည် မြတ်ဗုဒ္ဓ၏ ထံတော်ပါးတွင် ရိုသေစွာ ဦးခိုက်ကန်တော့၍ အဇာတသတ်မင်းကြီးက "ရှင်တော်မြတ်ဘုရား မျက်မှောက်ဘ၀၌ပင် ကိုယ်တိုင် သိမြင်ရသော ရဟန်းပြုခြင်း၏ အကျိုးကိုပြခြင်းငှာ တတ်နိုင်ပါသလော?"  မြတ်စွာဘုရားရှင်အား မေးလျှောက်ပါတယ်။

မြတ်စွာဘုရားက ရဟန်းပြုရသည့် အကျိုးကျေးဇူးကြောင့် အပူဇော်ခံရခြင်းများကိုလည်းကောင်း၊ စူဠာသီလ၊ မဇ္ဈိမသီလ၊ မဟာသီလတို့ကို ဖြည့်ကျင့်ပြီး တဆင့်တက်ကာ ဣနြေ္ဒကို စောင့်စည်းခြင်း ၊ သတိသမ္ပဇဉ်နှင့် ပြည့်စုံခြင်း ၊ရောင့်ရဲလွယ်ခြင်း၊ နီဝရဏတရား ငါးပါးတို့ဖြင့် ပယ်ခြင်းတို့ကိုလည်းကောင်း၊ ပထမဈာန်မှ စတုထ္ထဈာန် အထိရနိုင်ပုံတို့ကို ဟောတော်မူပြီး တဆင့်တက်ကာ ၀ိပဿနာဉာဏ်၊ မနောမယိဒ္ဓိဉာဏ်၊ ဣဒ္ဓိ၀ိဓဉာဏ်၊ ဒိဗ္ဗစက္ခုဉာဏ်၊ ဒိဗ္ဗသောတဉာဏ်၊ စေတောပရိယဉာဏ်၊ ပုဗ္ဗေနိဝါသဉာဏ်၊ စုကူပပါတဉာဏ်၊ အာသ၀က္ခဉာဏ်တို့ဖြင့် အရတ္တမဂ်ဉာဏ် တိုင်အောင် အဆင့်ဆင့် သာလွန်မြင့်မြတ်သည့် ၀ိဇ္ဖာရှစ်ပါး တရားထူးကို ရနိုင်သည့် ရဟန်းပြုရခြင်း၏ မျက်မှောက်ဘ၀အကျိုးဖြစ်သော သာမညဖလသုတ်ကို အကျယ်တ၀င့် ဟောကြားတော်မူပါသည်။

ထို့ကြောင့် မြတ်စွာဘုရား ဟောကြားတော်မူခဲ့သော သာမညဖလသုတ်ကို အဇာတသတ်မင်းကြီး နားကြားပြီးသောအခါတွင် အမှောင်ထု ပိတ်ဖုံးထားသည့် အဝိဇ္ဇာ အတိတ်ဆိုးတွေ ပျောက်ကွယ်၍ ဝိဇ္ဇာ အသိဖြင့် လူသစ်စိတ်သစ်နှင့် အတွေးအခေါ်သစ်များ ဖြစ်ပေါ်လာကာ သာသနာတော်ကို ကြည်ညိုလေးစားပြီး ရတနာသုံးပါး ပူဇော်မှုများကိုများစွာ ပြုလုပ်ခဲ့သည့်အပြင် ပထမ သင်္ဂါယနာတင် သာသနာပြု မင်းမြတ်အနေဖြင့် သမိုင်းစိုက်ထူခဲ့ပါတယ်။

ထို့ပြင်လည်း သီတင်းကျွတ်လပြည့်ကျော် (၁)ရက်နေ့မှာ တန်ဆောင်မုန်းလပြည့်နေ့အထိ ဗုဒ္ဓဘာသာဝင်တွေ အနေဖြင့် ဘာသာရေး အထိမ်းအမှတ်အဖြစ် ထင်ရှားသည်မှာ ကထိန်ခင်းခြင်း အမှုကိစ္စတို့ကို ပြုလုပ်ခြင်း ဖြစ်ပါတယ်။

ပြီးတော့ ဒီနေ့လို့ တန်ဆောင်မုန်းလပြည့်နေ့မှာပင် ဆေးပင်အပေါင်းကို စောင့်သော နတ်တို့သည် မဲဇလီပင်စောင့်နတ်အား လာရောက်ခစားကြသဖြင့် မဲဇလီပင်သည် ဆေးပေါင်းခသည် ဟု မြန်မာ အစဉ်အလာ အနေဖြင့် ယူဆထားကြအတိုင်း ထိုအချိန်မျိုး၌ မဲဇလီဖူးကို စားသုံးခဲ့သော် အနာမျိုး (၉၆) ပါးကင်းပြီး ဘုန်းကြီး သက်ရှည်နိုင်သည်ဟု ရိုးရာဆေးကျမ်းတို့တွင် လည်း ဖော်ပြထားသည်ကို တွေ့ရှိပါတယ်။

၎င်းအဆိုတိုင်း ဘေးကင်းရန်ကွာ ကျန်းမာချမ်းသာစေရန် မဲဇလီဖူးသုပ်ကို မြန်မာတို့က စားသုံးကြသလို တန်ဆောင်မုန်းလသည်ပင် သာယာအေးချမ်းသော လဖြစ်သည်နှင့်အညီ အများပြည်သူတို့အတွက် ပျော်ပွဲ ရွှင်ပွဲ မီးပွဲသဘင်များ ဆင်ယင်ကျင်းပချိန်ဖြစ်ပါတယ်။

ဒီနေရာမှ စာရေးသူ အနေဖြင့် အားလုံးသော ပြည်ပရောက် မြန်မာ့ သူတော်ကောင်း၊ ပြည်တွင်းရှိ သူတော်ကောင်း အားလုံး ဗုဒ္ဓဘာသာ ယဉ်ကျေးမှု အစဉ်လာတွေကို သိရှိ၍ ကိုယ်စိတ်နှစ်ဖြာ ကျန်းမာ ချမ်းသာကြပါစေ၊ မြတ်ဗုဒ္ဓ၏ သာသနာတော်ကို ဆထက်မက တိုးပွားအောင် ပြုလုပ်နိုင်ကြပါစေ၊ သာမညဖလ သုတ်တော်လာသည့်အတိုင်းလည်း ကျင့်ကြံနိုင်ကြပါစေလို့ ဆန္ဒပြုရင်း နိဂုံးချုပ်လိုက်ပါတယ်။



တက္ကသိုလ်မြတ်မင်း

http://www.venpunnavamsa2.com

1 comment:

  1. 'သာမညဖလ အခါတော်နေ့ရဲ့ ဆေးပေါင်းခတဲ့ ည တန်ဆောင်တိုင်' ဆောင်းပါးလေး ဖတ်ပြီးကော်ပီယူသွားပါတယ် ဘုရား။ တောင်းဆုများအတိုင်း ပြည့်ဝရပါစေသား။

    မေတ္တာဖြင့်
    အန်တီတင့်

    ReplyDelete

အမေပေးသောနှလုံးသား

အမေပေးသောနှလုံးသား
လေညှင်းလေးတွေ သယ်ဆောင်သော ဆောင်းလပျောက်သော နွေဦးတစ်ညမှာ မဟူရာညရောင်နှင့် အပူဆောင်ည အငွေ့အသက်တွေက ကမ္ဘာမြေပေါ်ပြန့်နှံလို့ လူတွေတောင် စိတ်ကူးပျက်သော ငြီးငွေ့သံတွေနဲ့ ချွေးတွေကိုယ်စီကျလို့ မြေခနေသော အချိန်မှာ အမေဟာအပြုံးတွေဝေကာ တို့များအတွက် အကောင်းဆုံးပုံပြင်လေးတစ်ပုဒ်ပြောပြနေသလို အေးမြသောဆုံးမသံစဉ်တွေက တို့ဘ၀အတွက် အရေးကြီးဆုံးသောဖြစ်သလို ဘယ်အရာနဲ့မှ မလဲနိုင်သော အဖိုးတန်သော အရာပင်ဖြစ်ပေသည်။ ထိုစဉ်အခါဝယ် အမေပေးသောနှလုံးသားအလှပုံပြင်တစ်ပုဒ်က အပူရောင်ပြန်နေသော ကမ္ဘာမြေပေါ်ကို မေတ္တာရေကြည်ဖြန်းသလို အေးမြနေပါတော့သည်။ ထိုအချိန်ဝယ် အမေပြောနေသောပုံပြင်သံစဉ်တွေကို တို့တတွေနားစဉ်နေခိုက် အမေဟာ အပူဒဏ်ကိုကာကွယ်ပေးသေယ သီတဂူလမင်းကြီးပမာ အေမြနေသလို သားသ္မီးလေးတွေကလည်း ကြယ်ကလေးတွေပမာ အမေပေးသော မေတ္တာတွေကလွှမ်းခြုံရ်ျနေပါတော့သည်။ အော်....လောကကြီးက ဘယ်လိုပင်ပူနေပါစေ သဘာဝက ဘယ်လိုပင် ရာသီဥတုတွေပြောင်းလွဲနေပါစေ နေညတွေ ဘယ်လိုပင်ပြောင်းလွဲနေပါစေ အရာရာတိုင်းက ဘယ်လိုပင်ပြောင်းလွဲနေပါစေ အမေပေးသောနှလုံးသားက မပြောင်းလွဲတာအမှန်ပင်ဖြစ်သည်။ လောကဓံက ဘယ်လိုပင်ရိုက်ချက်ပြင်းပါစေအုန်း အမေပေးသောနှလုံးသားက အေးမြနေမြဲပင်ဖြစ်သည်။ အဲဒါတွေဟာ အမေ့ရဲ့အနာဂါတ် မျှော်လင့်ချက်နှလုံးသားဖြစ်သလို သားသ္မီးအတွက် ဘ၀ရှေ့ရေးနျင့်အနာဂါတ်ရည်မှန်းချက်ပန်တိုင်ဆီသို့ဦးတည်နေပါသည်။ မည်သို့ဆိုစေဦးတော့ ထပ်ရ်ျဆိုဦးအံ......အမေပေးသောနှလုံးသားဟူသည် သားသ္မီးတို့၏ အသိစိတ်ဓာတ်လမ်းညွန်ပင်ဖြစ်သလို အောင်မြင်ရေး လူမှုရေး တိုးတက်ရေး ပညာရေးစသည် အားလုံးတို့၏ လမ်းညွန်ပင်ဖြစ်သည်ရေးသားရင်း ဆက်လက်ရေးသားပါဦးအံ.............။

အမေ...အမေ

အမေ...အမေ
ကျွန်တော့်ကိုမွေးခဲ့တဲ့...အမေ.. သူများအမေတွေထက် ဒုက္ခခံခဲ့ရတယ်..... ကျွန်တော့်ကိုကျွေးခဲ့တဲ့...အမေ.. သူများအမေတွေထက် အကုန်များခဲ့ရတယ်..... ကျွန်တော့်ကိုချစ်တဲ့...အမေ.. သူများအမေတွေထက် စိတ်ဆင်းရဲခဲ့ရတယ်..... သားကို သခင်... လင်ကို ဘုရား ဆိုတဲ့ အမေ.... ကျွန်တော့်အတွက်နဲ့ မျက်ရည်ပေါက်ကြီးငယ်ကျခဲ့ရတယ်... လောကမှာ ကျွန်တော် တစ်ခြားသောအရာတွေမှာဘဲနိမ့်ကျခြင်နိမ့်ကျမယ်... မိခင်မေတ္တာနဲ့ ပတ်သက်လာရင်တော့.. တစ်လောကလုံးကို ရင်ကော့ခေါင်းမော့ပြီး ရင်ဆိုင်နိူင်ခဲ့တယ်... အဲ့ဒီလိုဆိုးခဲ့တဲ့သားက..အခု မေကြီးမေတ္တာနဲ့.. အသက်ဆက်ခဲ့တာပါ... အဲ့ဒီလိုမိုက်ခဲ့တဲ့သားက..အခု မေကြီးကရုဏာနဲ့.. လူဆက်ဖြစ်နေခဲ့တာပါ... ကျေးဇူး အထူးပါမေကြီးရယ်... အရာရာအားလုံးအတွက်ပါခင်ဗျာ..... သားကြီးဂတိပေးပါတယ်...မေကြီး သားအသက်ရှင်နေသမျှကာလပတ်လုံး.. ဒီလောကကြီးထဲမှာ... မေကြီးဘာအကြောင်းကြောင့်နဲ့မှ စိတ်ဒုက္ခတွေ သောကဝေဒနာတွေ ဘယ်သောအခါမှ ထပ်မဖြစ်စေရပါဘူး...