Thursday, July 12, 2012

၆၅ နှစ်မြောက် အာဇာနည်နေ့အကြို ကိုယ်ရေးသမိုင်းများ

★ မြန်မာ့နိုင်ငံရေးသမိုင်း လေ့လာချက် အာဇာနည် ခေါင်းဆောင်ကြီးများ၏ ကိုလိုနီခေတ် (၁၈၈၆-၁၉၄၁) နှောင်းပိုင်းကာလ အမျိုးသားရေး လုပ်ဆောင်ချက်များ ★
 

*ရေးသူ-တင်နိုင်တိုး*


~ ၂၀၁၂ ပြည့်နှစ် ဇူလိုင်လ ၁၉ ရက်နေ့သည် ၆၅ နှစ်မြောက် အာဇာနည်နေ့ ဖြစ်ပါသည်။ ~ 

 ★ ★ ★ ★ ★ ★ ★ ★ ★  


★ အာဇာနည် ခေါင်းဆောင်ကြီးများမှာ ★

ဗိုလ်ချုပ်အောင်ဆန်း၊ သခင်မြ၊ ဦးဘ၀င်း၊ မန်းဘခိုင်၊ ဒီးဒုတ်ဦးဘချို၊ မိုင်းပွန်စော်ဘွား၊ ဦးရာဇတ်၊ ဦးအုန်းမောင်၊ ရဲဘော်ကိုထွေး၊

"ကိုလိုနီခေတ် (၁၈၈၆-၁၉၄၁) နှောင်းပိုင်းကာလဖြစ်သော ညွန့်ပေါင်းအစိုးရလက်ထက်(၁၉၃၇-၁၉၄၁) တွင်(၁၉ ဇူလိုင် ၁၉၄၇ ၌ကျဆုံးခဲ့ကြသည့်) အာဇာနည်ခေါင်းဆောင်ကြီးများ၏ အမျိုးသားရေးလုပ်ဆောင်ချက်များကို ပြန်ပြောင်းလေ့လာကြည့် ပါက စိတ်ဝင်စားဖွယ် တွေ့ရှိရပါသည်။"

★သခင်အောင်ဆန်း


၁၃ ဖေဖော်ဝါရီ ၁၉၁၅ တွင် နတ်မောက်မြို့၌ ဖွားမြင်ခဲ့သော သခင်အောင်ဆန်းသည် ငယ်စဉ်က နတ်မောက်မြို့ဆရာတော် ဦးသောဘိတကျောင်းတွင် ပညာသင်ယူခဲ့ပြီး ၁၉၂၈ ခုနှစ် အသက် ၁၃ နှစ် အရွယ်တွင် ရေနံချောင်းမြို့ အမျိုးသားအထက်တန်းကျောင်းသို့ ပြောင်းရွှေ့ ပညာသင်ယူခဲ့ပါသည်။ ၁၉၃၂ ခုနှစ်တွင် ယင်းကျောင်းမှ ဆယ်တန်းအောင်မြင်ပြီး ရန်ကုန် တက္ကသိုလ်သို့ တက်ရောက်ခဲ့၏။၁၉၃၅ ခုနှစ်တွင် ရန်ကုန်တက္ကသိုလ် ကျောင်းသားသမဂ္ဂ အမှုဆောင် အဖြစ် ရွေးချယ်ခံခဲ့ရသည်။ ထိုစဉ် အိုးဝေမဂ္ဂဇင်းအယ်ဒီတာအဖြစ် တာဝန်ယူခဲ့ရရာ Hell Hound at Large ဆောင်းပါးရေးသူအမည်ကို ထုတ်ဖော်မပေးမှုဖြင့် ကျောင်းထုတ်ခံခဲ့ရ၏။

၁၉၃၆-၃၇ ခုနှစ်များအတွင်း ကိုအောင်ဆန်းသည် တကသဒုဥက္ကဋ္ဌအဖြစ် ရွေးချယ်ခံခဲ့ရသည်။ ၁၉၃၇ ခုနှစ်တွင်ပင် ရန်ကုန်တက္ကသိုလ် ၀ိဇ္ဇာစာမေးပွဲကို အင်္ဂလိပ်ဘာသာစာပေ၊ နိုင်ငံရေးသိပ္ပံ၊ ဥရောပရာဇ၀င် ဘာသာရပ်များဖြင့် ဖြေဆိုအောင်မြင်ခဲ့၏။ ၂၅ ဧပြီ ၁၉၃၈ တွင် ကိုအောင်ဆန်းအား ဗကသဥက္ကဋ္ဌအဖြစ် တင်မြှောက်ခဲ့ကြသည်။သို့သော် မကြာမီ ကိုအောင်ဆန်း ဗကသမှ နုတ်ထွက်ကာ တို့ဗမာအစည်းအရုံး၌ သခင်အောင်ဆန်းအဖြစ် အထွေထွေအတွင်းရေးမှူး ဖြစ်လာပါသည်။ ၁၃၀၀ ပြည့် အရေးတော်ပုံအတွင်း သခင်အောင်ဆန်းသည် တက်ကြွစွာ ပါဝင်လှုပ်ရှားခဲ့သည်။ ၉ ဇန်န၀ါရီ ၁၉၃၉ တွင် ဗမာနိုင်ငံလုံးဆိုင်ရာ တောင်သူလယ်သမားအစည်းအရုံးကို ဖွဲ့စည်းသောအခါ သခင်အောင်ဆန်းသည် အမှုဆောင်တစ်ဦးအဖြစ် ပါဝင်ခဲ့၏။



၁ အောက်တိုဘာ ၁၉၃၉ တွင် မြန်မာ့လွတ်လပ်ရေးအတွက် စည်းလုံးညီညွတ်သော အမျိုးသားတပ်ပေါင်းစုကြီး ဖွဲ့စည်းရန် ရည်ရွယ်လျက် ဗမာ့ထွက်ရပ်ဂိုဏ်းကို ဖွဲ့စည်းသောအခါ သခင်အောင်ဆန်းမှာ အတွင်းရေးမှူးအဖြစ် တာဝန်ယူခဲ့၏။

ယင်းနောက် သခင်အောင်ဆန်းသည် လွတ်လပ်ရေးအတွက် ပြည်ပအကူအညီရှာဖွေရန် ၈ သြဂုတ် ၁၉၄၀ တွင် ဟိုင်လီသင်္ဘောဖြင့် တရုတ်ပြည် အမွိုင်သို့ ထွက်ခွာသွား၏။ ထိုမှတစ်ဆင့် ဂျပန်သို့ ရောက်ရှိခဲ့ပြီး ရုပ်ဖျက်ကာ မြန်မာနိုင်ငံသို့ ပြန်လည် ၀င်ရောက်လာခဲ့သည်။ တစ်ဖန် သခင်အောင်ဆန်းသည် ရဲဘော်သုံးကျိပ် ပထမသုတ်အဖွဲ့ဝင် တစ်ဦးအဖြစ် ရှန်တန်မာရူးသင်္ဘောဖြင့် ပြန်လည်လိုက်ပါသွားကာ ဂျပန်ပြည်၌ ခက်ခဲပင်ပန်းစွာ စစ်ပညာသင်ကြားခဲ့သည်။ ထိုစဉ်အတွင်း မြန်မာပြည်သို့ စစ်မီးကူးလာချိန်တွင် ညွန့်ပေါင်းအစိုးရ ပြုတ်ကျသွား၏။


★သခင်မြ


သခင်မြကို ပြည်ခရိုင်၊ပန်းတောင်းမြို့နယ်၊ ထုံးဘိုရွာ(ယခုထုံးဘိုမြို့) တွင် ၇ အောက်တိုဘာ ၁၈၉၇ ၌ သစ်ကုန်သည်ကြီး ဦးဘိုးချွန်၊ ဒေါ်သက်လယ်တို့က ဖွားမြင်ခဲ့သည်။ ငယ်စဉ်က ပြည်မြို့ အစိုးရအထက်တန်းကျောင်း၊သာယာဝတီမြို့ အေဘီအမ် ကရင်အထက်တန်းကျောင်းတို့တွင် ပညာသင်ယူခဲ့ဖူးပြီး ၁၉၁၆ တွင် ရန်ကုန် စိန်ဂျွန်းကျောင်းမှ ဆယ်တန်းအောင်မြင်ခဲ့သည်။ ၁၉၂၀ ပြည့်နှစ်၌ ဂုဏ်ထူးတန်း တက်ရောက်စဉ်အတွင်း ပထမကျောင်းသားသပိတ် ဖြစ်ပွားလာ ရာ ခေါင်းဆောင်တစ်ဦးအဖြစ် ပါဝင်ခဲ့သည်။ ယင်းနောက် အမျိုးသားကျောင်းများ ပေါ်ပေါက်လာသောအခါ ကြည့်မြင်တိုင်အမျိုးသားကျောင်း၌ အထက်တန်းပြဆရာ ၀င်လုပ်သည်။

၁၉၂၄ ခုနှစ်၌ ဘီအက်စီဂုဏ်ထူးတန်း အောင်သည်။ ၁၉၂၇ ခုနှစ်တွင် ဥပဒေ၀ိဇ္ဇာဘွဲ့ ရရှိခဲ့၏။ယင်းနောက် သာယာဝတီသို့ပြန်ကာ ရှေ့နေအလုပ်ဖြင့် အသက်မွေးသည်။ ၁၉၃၁ ခုနှစ် ဂဠုန်ဆရာစံ၏ အမှုကိုစစ်ဆေးစဉ် ဦးမြသည် ဆရာစံဘက်မှ ရှေ့နေကြီး ဦးသူငယ်နှင့်အတူ ရှေ့နေလိုက်ပေးခဲ့သည်။ ၁၉၃၄ ခုနှစ်တွင် တို့ဗမာအစည်းအရုံးသို့ ၀င်ရောက်ခဲ့ပြီး ၁၉၃၆ ခုနှစ်တွင် သာယာဝတီတောင်ပိုင်းမှ အမတ်အဖြစ် အရွေးခံခဲ့ရသည်။ သခင်မြသည် လွှတ်တော်၌ လစာမယူဘဲ အတိုက်အခံအမတ်အဖြစ် ဆောင်ရွက်ခဲ့သည်။ ၁၉၃၈ ခုနှစ်တွင် ရေနံမြေအလုပ်သမားများ၏ နစ်နာမှုကို အစိုးရအားပြင်းထန်စွာ ဝေဖန်ကန့်ကွက်ကာ အမတ်အဖြစ်မှ နုတ်ထွက်ခဲ့၏။

၁၉၃၉ ခုနှစ် ဖေဖော်ဝါရီလ ကြားဖြတ်ရွေးကောက်ပွဲတွင် အများပြည်သူတို့၏ ဆန္ဒအရ ၀င်ရောက်အရွေးခံကာ အမတ်ဖြစ်လာပြန်သည်။ သခင်မြသည် ၁၉၃၉ ခုနှစ်တွင်ပင် ဗမာနိုင်ငံလုံးဆိုင်ရာ တောင်သူလယ်သမား အစည်းအရုံးကြီး၏ ဥက္ကဋ္ဌအဖြစ် လည်းကောင်း၊ ၁၉၄၁ ခုနှစ်တွင် တို့ဗမာ အစည်းအရုံးကြီး၏ ဥက္ကဋ္ဌအဖြစ် လည်းကောင်း ဆောင်ရွက်ခဲ့ပါသည်။ ၉ ဒီဇင်ဘာ ၁၉၄၁ တွင် တို့ဗမာအစည်းအရုံးကို မတရားအသင်းအဖြစ် ကြေညာလိုက်သောအခါ သခင်မြသည် မော်လမြိုင်သို့ တိမ်းရှောင်ခဲ့ရ၏။


★ဦးဘ၀င်း


နတ်မောက်မြို့၌ ၁၁ ဇွန် ၁၉၀၁ တွင် အမိန့်တော်ရရှေ့နေ ဦးဖာ ဒေါ်စုတို့က ဖွားမြင်ခဲ့သူ ဦးဘ၀င်း၏ငယ်မည်မှာ မောင်စံတင်ဖြစ်ပြီး ဗိုလ်ချုပ်အောင်ဆန်း၏ အစ်ကိုအကြီးဆုံး ဖြစ်သည်။ငယ်စဉ်က နတ်မောက်မြို့ ဆရာကြီး ဦးဝကြီးကျောင်း၊ ဆရာသက်ကျောင်း၊ တောင်တွင်းကြီးမြို့ ဆရာတော် ဦးသုန္ဒရကျောင်းတို့၌ ပညာသင်ယူခဲ့သည်။၁၆ နှစ်တွင် ၉ တန်းနှင့်ဆရာဖြစ်စာမေးပွဲ အောင်မြင်ပါသည်။ ဦးဘ၀င်းသည် ၁၇ နှစ်အရွယ်တွင် ရေနံချောင်းမြို့ ဆရာဦးဟံသာကျောင်း၌ လက်ထောက်ဆရာ၊ ဘီအိုစီဂိုဒေါင်စာရေးအလုပ်များ ၀င်လုပ်သည်။တစ်ဖက်မှလည်း ဆရာဦးအေးမောင်၏ ညကျောင်းသို့ တက်ရောက်ကာအသက် ၂၀ တွင်ဆယ်တန်းစာမေးပွဲကို အင်္ဂလိပ်စာဂုဏ်ထူးဖြင့် အောင်မြင်ခဲ့သည်။

ယင်းနောက် စာရေးအလုပ်မှထွက်ကာ မန္တလေး ဥပစာကောလိပ် သွားတက်သည်။ ဥပစာသိပ္ပံအောင်မြင်ပြီးနောက် ရန်ကုန်တက္ကသိုလ် ဆက်တက်ပြန်ရာ ၁၉၂၉ ခုနှစ်တွင် သိပ္ပံဂုဏ်ထူးတန်း အောင်မြင်ခဲ့သည်။ ယင်းနောက် ရေနံချောင်းမြို့ အမျိုးသား ကျောင်းတွင် အထက်တန်းပြဆရာအလုပ် လုပ်ကိုင်၏။ မကြာမီ ကျောင်းအုပ်ဆရာကြီး ဖြစ်လာသည်။ ထို့နောက် ဖြူးမြို့ ကေအီးအမ်အမျိုးသားကျောင်းအုပ်အဖြစ် ဆောင်ရွက်ခဲ့၏။ဆရာကြီး ဦးဘ၀င်းသည် ကိုလိုနီခေတ် နှောင်းပိုင်းကာလတစ်လျှောက် အမျိုးသားကျောင်းအုပ်ကြီးအဖြစ် အမှုထမ်းရင်း မျိုးချစ်စိတ်ပြင်းထန်သူ လူငယ်အများအပြားကို မွေးထုတ်ပေးခဲ့သည်။

★မန်းဘခိုင်


ဟင်္သာတမြို့ ယုန်သလင်းရွာ၌ ၂၆ အောက်တိုဘာ ၁၉၀၃ တွင် သူကြီးမန်းပေကုန်း ဒေါ်ပုတို့က ဖွားမြင်ခဲ့သူ မန်းဘခိုင်သည် ငယ်စဉ်က ဟင်္သာတ အေဘီအမ် ကျောင်းတွင် ပညာဆည်းပူးခဲ့သည်။၁၉၂၀ တွင် ၇ တန်းအောင် ပြီး ဘားမားရိုင်ဖယ်တပ်သို့ ၀င်သည်။ သို့သော် မိဘများသဘောမတူ၍ နုတ်ထွက်ပြီး ရန်ကုန်မြို့ အေစကော့ကုမ္ပဏီ၌ အလုပ်လုပ်သည်။ ၁၉၂၆ တွင် မန်နေဂျာနှင့် သဘောမတိုက်ဆိုင်သဖြင့် အလုပ်မှထွက်ပြီး ဇာတိရွာသို့ပြန်ကာ ကလေးများအတွက် ကျောင်းဖွင့်ပေးခဲ့သည်။

၁၉၃၇ ပုသိမ်မြောက်ပိုင်း အမတ်နေရာအတွက် ကြားဖြတ်ရွေးကောက်ပွဲတွင် အနိုင်ရရှိခဲ့သည်။ ၁၉၄၁ တွင် တရားရေးဝန်ကြီး စောဖေသာ၏ အတွင်းဝန်ကလေးအဖြစ် အမှုထမ်းသည်။ သို့သော် ကုန်သည်အလုပ်ကိုသာ ၀ါသ နာပါသဖြင့် နုတ်ထွက်ကာ ပုဇွန်တောင်၌ ငှက်ပျောခြံလုပ်ငန်း လုပ်ကိုင်ခဲ့၏။

★ဒီးဒုတ်ဦးဘချို


မြောင်းမြမြို့၌ သမားတော်ကြီး ဦးဘိုးစာ၊ ဒေါ်မြစ်တို့က ၂၄ ဧပြီ ၁၈၉၃ တွင် ဖွားမြင်ခဲ့သူ ဦးဘချိုသည် မြောင်းမြမြို့ ဦးမောင်မောင်ကျော်ကျောင်း၊ ရန်ကုန် စိန်ပေါကျောင်း၊ရန်ကုန်ကောလိပ်တို့၌ ပညာဆည်းပူးခဲ့သည်။ သို့သော် ဘီအေတန်း တက်စဉ် မျက်စိရောဂါကြောင့် ကျောင်းထွက်ခဲ့ရသည်။ ဦးဘချိုသည် ပေါင်းတည်၊ ဟင်္သာတမြို့များ၌ ကျောင်းဆရာအဖြစ် အမှုထမ်းခဲ့၏။ ထိုစဉ်ကပင် ''နောက်စွယ်ချောင်က တောက်တဲ့မောင်''အမည်ဖြင့် မြန်မာ့အလင်းမဂ္ဂဇင်းတွင် စာရေးနေသည်။ သို့သော် အစိုးရပိုင်းက စာရေးခြင်းကို မကြည်ဖြူ၍ ၁၉၂၀ ကျောင်းသားသပိတ်တွင် အလုပ်ထွက်ကာ အမျိုးသားကောလိပ်၌ မြန်မာစာဆရာ သွားလုပ်နေ၏။ ယင်းနောက် မြန်မာ့ရီဗျူး၊ဒီးဒုတ်နေ့စဉ်စသည့် ဂျာနယ်၊သတင်းစာများ ထုတ်ဝေကာ အမျိုး သားရေးအတွက် လှုံ့ဆော်ပေးခဲ့သည်။

★မိုင်းပွန်စော်ဘွား


ရှမ်းပြည်နယ်တောင်ပိုင်း ၊မိုင်းပွန်မြို့၌ စော်ဘွားကြီး စ၀်ခွန်ထီး၊နန်းစိန်ဥတို့က ၃၀ မေ ၁၉၀၇ တွင် ဖွားမြင်ခဲ့သူ စ၀်စံထွန်း၏ ငယ်မည်မှာ စ၀်သာထွန်း ဖြစ်သည်။ငယ်စဉ်က တရားမစာရေးကြီး ဦးစံဖေထံ အခြေခံပညာ သင်ယူခဲ့ပြီး တောင်ကြီးမြို့ စော်ဘွားသားများကျောင်းမှ ဒသမဆင့် အောင်မြင်ခဲ့သည်။ မိတ္ထီလာမြို့ စက်ရှင်တရားသူကြီး ဦးကျောက်တိုင်ရုံး၌ ၆ လ အလုပ်သင်လုပ်ခဲ့ပြီး မန္တလေးဆပ်ကျောင်းလည်း တက်ရောက်ခဲ့၏။ယင်းနောက် ဗန်းမော်တွင် အလုပ်သင်ဝန်ထောက်အဖြစ် ၆ လအမှုထမ်းခဲ့သည်။ထိုမှတစ်ဖန် တောင်ကြီးမြို့ ရှမ်းပြည်(နယ်)မင်းကြီးရုံးတွင် ခေတ္တအလုပ်ဝင်ရောက်စဉ် ၂၇ ဇွန် ၁၉၂၈ တွင် စော်ဘွားအရာ ဆက်ခံရရှိခဲ့သည်။မိုင်းပွန်စော်ဘွားသည် ရှမ်းပြည်နယ်တစ်ခွင် ဖွံ့ဖြိုးတိုးတက်ရေးအတွက် ကြိုးပမ်း ဆောင်ရွက်ခဲ့သူဖြစ်၏။

★ဦးရာဇတ်


မိတ္ထိလာမြို့၌ တိုက်ပိုင်အင်စပက်တော် မစ္စတာ အေရာမန်နှင့် ဒေါ်ငြိမ်းလှတို့က ၂၀ ဇန်န၀ါရီ ၁၈၉၈ တွင် ဖွားမြင်ခဲ့သူ ဦးရာဇတ်မှာငယ်စဉ်က မန္တလေးမြို့ ၀က်စလီယန် မိန်းကလေးကျောင်း၊ယောက်ျားလေးကျေုာင်းတို့ ၌ ပညာဆည်းပူးခဲ့သူဖြစ်သည်။အဌမတန်းတွင် ပညာထူးချွန်သဖြင့် ကျောင်းအုပ်ကြီးက တက္ကသိုလ်ဝင်တန်း ကျော်တင်ပေးခဲ့ ရာ ဖြေဆိုအောင်မြင်ခဲ့သည်။ ယင်းနောက် ရန်ကုန်ကောလိပ်သို့ တက်ရောက်ခဲ့ပြီး ၀ိဇ္ဇာတန်း၌ အင်္ဂလိပ် စာ ဂုဏ်ထူးဖြင့် အောင်မြင်ခဲ့၏။

၁၉၂၀ ပြည့်နှစ် ကျောင်းသားသပိတ်တွင် ခေါင်းဆောင်တစ်ဦးအဖြစ် ပါဝင်ခဲ့၏။ ၁၉၂၁ တွင် မန္တလေး ဗဟိုအမျိုးသားကျောင်း၌ အထက်တန်းပြဆရာအဖြစ် လုပ်ကိုင်ခဲ့သည်။ ၁၉၂၃ တွင် ကျောင်းအုပ်ဖြစ်လာ၏။ ဆရာကြီး ဦးရာဇတ်သည် အစ္စလာမ် ဘာသာဝင်ဖြစ်သော်လည်း ဗုဒ္ခဘာသာအပေါ် လေးစားမှုရှိ၏။အမျိုးသားကျောင်းတွင် နံနက်တိုင်း ဘုရားရှိခိုးရပြီး မတက်ရောက်သူများအား ဆရာကြီးကိုယ်တိုင် ကြိမ်လုံးဖြင့် ကြပ်မတ်ပေးလေ့ရှိသည် ဆို၏။ဆရာကြီးသည် တပည့်များအား မျိုးချစ် စိတ်ရှိစေရေးအတွက် ပြုစုပျိုးထောင်ပေးခဲ့သူ ဖြစ်သည်။

★ဦးအုန်းမောင်


မင်းဘူးမြို့၌ ၂ ဖေဖော်ဝါရီ ၁၉၁၃ တွင် မစ္စတာ အိပ်ခ်ျဒဗလျူတရပ်ဝိန်းနှင့် ဒေါ်ရွှေမြင့်တို့က ဖွားမြင်ခဲ့သူ ဦးအုန်းမောင် ၁၉၃၄ ခုနှစ်တွင် ရန်ကုန်တက္ကသိုလ်မှ ၀ိဇ္ဇာတန်းအောင်မြင်ခဲ့ သူ ဖြစ်သည်။၁၉၃၉ ခုနှစ်ဝန်းကျင်က မန္တ လေးမြို့ အရှေ့နယ်ပိုင်ဝန်ထောက်အဖြစ် အမှု ထမ်းနေကြောင်း သိရှိရ၏။

★ရဲဘော်ကိုထွေး


စိုက်ပျိုးရေးဝန်ထောက် ဦးကိုကိုလေးနှင့် ဒေါ်မင်းရီတို့က ၁၉၂၉ ခုနှစ်တွင် ဖွားမြင်ခဲ့သူ ရဲဘော်ကိုထွေးမှာ ကိုလိုနီခေတ်နှောင်းကာလက ကျောင်းသားအရွယ်မျှသာ ရှိမည်ဖြစ်ပါသည်။

★★★★★★★★★★★★★★★★★★★★★★★★★★★★★

--- ကျမ်းကိုး၁။မြန်မာ့စွယ်စုံကျမ်းအတွဲ ၈၊ ၉၊ ၁၁၂။

အာဇာနည်နေ့အထိမ်းအမှတ် စာစောင်၃။
မြန်မာလူကျော်၁၀၀(မောင်ဇေယျာ)

No comments:

Post a Comment

အမေပေးသောနှလုံးသား

အမေပေးသောနှလုံးသား
လေညှင်းလေးတွေ သယ်ဆောင်သော ဆောင်းလပျောက်သော နွေဦးတစ်ညမှာ မဟူရာညရောင်နှင့် အပူဆောင်ည အငွေ့အသက်တွေက ကမ္ဘာမြေပေါ်ပြန့်နှံလို့ လူတွေတောင် စိတ်ကူးပျက်သော ငြီးငွေ့သံတွေနဲ့ ချွေးတွေကိုယ်စီကျလို့ မြေခနေသော အချိန်မှာ အမေဟာအပြုံးတွေဝေကာ တို့များအတွက် အကောင်းဆုံးပုံပြင်လေးတစ်ပုဒ်ပြောပြနေသလို အေးမြသောဆုံးမသံစဉ်တွေက တို့ဘ၀အတွက် အရေးကြီးဆုံးသောဖြစ်သလို ဘယ်အရာနဲ့မှ မလဲနိုင်သော အဖိုးတန်သော အရာပင်ဖြစ်ပေသည်။ ထိုစဉ်အခါဝယ် အမေပေးသောနှလုံးသားအလှပုံပြင်တစ်ပုဒ်က အပူရောင်ပြန်နေသော ကမ္ဘာမြေပေါ်ကို မေတ္တာရေကြည်ဖြန်းသလို အေးမြနေပါတော့သည်။ ထိုအချိန်ဝယ် အမေပြောနေသောပုံပြင်သံစဉ်တွေကို တို့တတွေနားစဉ်နေခိုက် အမေဟာ အပူဒဏ်ကိုကာကွယ်ပေးသေယ သီတဂူလမင်းကြီးပမာ အေမြနေသလို သားသ္မီးလေးတွေကလည်း ကြယ်ကလေးတွေပမာ အမေပေးသော မေတ္တာတွေကလွှမ်းခြုံရ်ျနေပါတော့သည်။ အော်....လောကကြီးက ဘယ်လိုပင်ပူနေပါစေ သဘာဝက ဘယ်လိုပင် ရာသီဥတုတွေပြောင်းလွဲနေပါစေ နေညတွေ ဘယ်လိုပင်ပြောင်းလွဲနေပါစေ အရာရာတိုင်းက ဘယ်လိုပင်ပြောင်းလွဲနေပါစေ အမေပေးသောနှလုံးသားက မပြောင်းလွဲတာအမှန်ပင်ဖြစ်သည်။ လောကဓံက ဘယ်လိုပင်ရိုက်ချက်ပြင်းပါစေအုန်း အမေပေးသောနှလုံးသားက အေးမြနေမြဲပင်ဖြစ်သည်။ အဲဒါတွေဟာ အမေ့ရဲ့အနာဂါတ် မျှော်လင့်ချက်နှလုံးသားဖြစ်သလို သားသ္မီးအတွက် ဘ၀ရှေ့ရေးနျင့်အနာဂါတ်ရည်မှန်းချက်ပန်တိုင်ဆီသို့ဦးတည်နေပါသည်။ မည်သို့ဆိုစေဦးတော့ ထပ်ရ်ျဆိုဦးအံ......အမေပေးသောနှလုံးသားဟူသည် သားသ္မီးတို့၏ အသိစိတ်ဓာတ်လမ်းညွန်ပင်ဖြစ်သလို အောင်မြင်ရေး လူမှုရေး တိုးတက်ရေး ပညာရေးစသည် အားလုံးတို့၏ လမ်းညွန်ပင်ဖြစ်သည်ရေးသားရင်း ဆက်လက်ရေးသားပါဦးအံ.............။

အမေ...အမေ

အမေ...အမေ
ကျွန်တော့်ကိုမွေးခဲ့တဲ့...အမေ.. သူများအမေတွေထက် ဒုက္ခခံခဲ့ရတယ်..... ကျွန်တော့်ကိုကျွေးခဲ့တဲ့...အမေ.. သူများအမေတွေထက် အကုန်များခဲ့ရတယ်..... ကျွန်တော့်ကိုချစ်တဲ့...အမေ.. သူများအမေတွေထက် စိတ်ဆင်းရဲခဲ့ရတယ်..... သားကို သခင်... လင်ကို ဘုရား ဆိုတဲ့ အမေ.... ကျွန်တော့်အတွက်နဲ့ မျက်ရည်ပေါက်ကြီးငယ်ကျခဲ့ရတယ်... လောကမှာ ကျွန်တော် တစ်ခြားသောအရာတွေမှာဘဲနိမ့်ကျခြင်နိမ့်ကျမယ်... မိခင်မေတ္တာနဲ့ ပတ်သက်လာရင်တော့.. တစ်လောကလုံးကို ရင်ကော့ခေါင်းမော့ပြီး ရင်ဆိုင်နိူင်ခဲ့တယ်... အဲ့ဒီလိုဆိုးခဲ့တဲ့သားက..အခု မေကြီးမေတ္တာနဲ့.. အသက်ဆက်ခဲ့တာပါ... အဲ့ဒီလိုမိုက်ခဲ့တဲ့သားက..အခု မေကြီးကရုဏာနဲ့.. လူဆက်ဖြစ်နေခဲ့တာပါ... ကျေးဇူး အထူးပါမေကြီးရယ်... အရာရာအားလုံးအတွက်ပါခင်ဗျာ..... သားကြီးဂတိပေးပါတယ်...မေကြီး သားအသက်ရှင်နေသမျှကာလပတ်လုံး.. ဒီလောကကြီးထဲမှာ... မေကြီးဘာအကြောင်းကြောင့်နဲ့မှ စိတ်ဒုက္ခတွေ သောကဝေဒနာတွေ ဘယ်သောအခါမှ ထပ်မဖြစ်စေရပါဘူး...